突然射左...

我同男朋友間唔時都會做愛,平時我唔會俾佢插好深,因為有d痛同埋驚佢攞唔切出嚟射。點知今日我無覺得痛,佢突然頂到最入無郁到,之後突然話想射,我叫佢即刻攞返出嚟,佢射左落我個肚到,但份量唔係好多。
點知我返到屋企發覺陰道有d白色嘅黏液流出嚟,底褲都有,果d係精液定係我d分泌物?我係咪會有bb… 佢係咪係入面射左?我好驚…

Hello~ 首先如果你男朋友有喺陰道內射精嘅話,佢應該都會感覺到,嗰啲白色嘅液體的確有機會係白帶,但因為單睇你所講嘅情況好難判斷係白帶定精液,所以你可以先問下男朋友係唔係將陰莖抽返出黎之後先射精。不過如果未有準備懷孕嘅話,建議性行為嘅時候用返安全套阿:blush: 因為男性受到性刺激嘅時候陰莖會自動分泌一啲透明而黏黏地嘅液體,叫做尿道球腺液,而依啲液體入面都有少量精子,游入左陰道都有懷孕嘅機會,所以體外射精並唔係有效嘅避孕方法黎架:pleading_face:

如果你好擔心今次嘅性行為會導致懷孕嘅話,其中一個選擇係向醫生領取緊急避孕藥,緊急避孕藥有兩種,分別可以喺性行為後嘅72同120小時內服用,但因為緊急避孕藥嘅副作用較大,亦都唔係每個人嘅身體狀況都適合服用,所以係必須經醫生處方嘅,如果你想領取緊急避孕藥嘅話可以去私家診所或者家計會,有關緊急避孕藥嘅詳細資訊可以參閱以下網站: