上一次黎M係3月18，係3月29同4月12有性行為，一開始無套2.3下 之後再帶套。平時黎M幾準時 可能會間唔鐘會早或遲2至3日，但到今日已經遲左11日，好驚有左，係24號個人已經驗左一次 結果得一條，但我唔知會唔會太早驗，令到結果唔準，我洗唔洗左驗多幾次，加上哩幾日胸又脹脤地，好煩惱會唔會有bb？
4月24日進行嘅驗孕，如果係有依足驗孕棒嘅說明，咁當日嘅驗孕結果係有效嘅 
因為4月24日已經距離最後一次性行為（4月12日）夠11日，假若懷孕的話，應該受精卵已經著床，驗孕棒係可以驗出懷孕嘅結果。所以當日顯示嘅結果係只有質控區C區有一條線，而結果區T區係空白的話，咁就代表你無懷孕啦 
生活作息唔定時、情緒唔穩定、壓力過大、最近有服用過藥物（特別係抗生素）等原因，都有機會導致月經來遲嘅情況。特別係你有提及過其實以前都會偶爾遲黎月經幾日，同埋今次都好擔心會有左，情緒可能會有少少起伏，都可以睇多幾日先嘅，無需太擔心住 
不過記得陰莖性興奮嘅時候，其實已經會分泌出透明嘅尿道球腺液，內含少量精子，係有機會導致懷孕架。所以下次發生性行為，記得整個過程都要戴安全套，咁就唔洗好似今次咁擔心啦 
同埋補充番，4月24日嘅驗孕，一方面除左距離你最後一次性行為已經係超過11日外，另一方面因為你亦提及過自己已經遲左11日黎月經，其實喺預計經期內進行嘅驗孕結果都係好準，所以果次嘅驗孕結果係有效而可靠嘅
如果擔心的話，可以再買支驗孕棒檢驗，例如可以買有電子顯示屏，能夠顯示埋懷孕週期嘅驗孕棒，驗孕結果就會更準確同埋清晰，即使懷孕都已經可以睇埋懷孕週期
到今日都未黎M (從來無試過遲甘多日)
會唔會因為太早驗而唔準