18，一向月經吾準3-4月先一次有是可能半年，如果沒有內射，只入了一半就沒有進行了其實都係兩三秒嘅事，要否需要食事後？機率大唔大
因為陰莖性興奮嘅時候，已經會分泌出透明嘅尿道球腺液，內含少量精子，係有機會導致懷孕嘅。加上係有進行過插入式嘅性行為（即使只係入左一半），有直接接觸過陰道，所以係有懷孕風險。
不過始終尿道球腺液，比起一般精液，會導致女性懷孕嘅風險係比較低，都可以考慮一下係咪選擇服用事後丸，因為服用事後丸係有一定嘅副作用，例如頭痛、噁心、腹痛等。
同埋，都想了解下你最後一次發生性行為係邊一日？ 
因為要留意番，一般事後丸係有分兩種藥物，一種係需要性交後72小時內服用，越快服用藥效越高，而另一種係需要性交後120小時內服用，服用時間唔會影響藥效。所以如果最後決定都係想服用事後丸的話，就建議盡快去睇家計會醫生，或者其他醫生啦 
因為本身你月經都唔太準，所以我地都好難透過你一向嘅經期去推論你大概排卵嘅日子，所以都未能準確咁去評估你懷孕嘅風險。
總括黎講，懷孕風險唔高嘅，睇下你想穩陣起見，服用事後丸，還是覺得風險唔高，無服用事後丸嘅需要啦 
如果選擇唔服用事後丸的話，就建議番性行為11日後進行驗孕，確認一下係咪無懷孕 
最後，建議下次發生性行為嘅時候，記得整個過程都戴番安全套，咁就可以唔洗擔心，又保障到雙方啦