流個幾星期啡但唔嚟m

你好呀!
我今個月本來應該25/4嚟m (上一次係3月27嚟) 但4月17開始每日有d啡 有時就啡紅色 但都係偏啡嘅白帶咁 到今日都keep住流啡 但呢幾日有d唔同 有d血水同啡 但唔係鮮血嚟 4月17到而家淨係流過一滴血(真係就咁一滴:rofl:
以往都試過2,3次係流幾日啡之後就正常嚟m 但今次流咗就嚟2個星期:confounded:

最擔心當然係自己身體,但我一直對於同男朋友接觸都有啲恐懼,因為年紀都比較細。

雖然我地冇性交 但有時候會唔小心掂到下佢下體(隔住褲:rofl:)之後我再去廁所都會有小小不安。又或者有時係好奇佢有冇分泌尿道球線液,所以會睇下佢底底,但我都好驚掂到,然後去廁所接觸自己陰道嘅時候冇可能導致懷孕。甚至係有一次佢自己唔覺意掂到自己下體再hi到一下我下面(我有着褲)我都會突然有不安嘅感覺。雖然佢都成日安慰我唔會嫌我煩(O_O)我亦都知道自己係太多疑,但我唔知點樣可以減輕呢種不安情緒。

當然比起懷孕我更擔心自己身體,不過自己想問清楚小小~唔該哂你地:pray:t2:

1.點解會流十幾日啡架:confounded:?(雖然學業係有壓力,男朋友接觸方法都有小小)

2.係咪我上述嘅情況,懷孕機率都係0?

3.有冇咩方法可以令我減少對懷孕嘅不安?(我個人成日都覺得乜都有可能發生,同年紀比較細。加上之前同男朋友有親密小小嘅行為之後都好驚,因為個次病 搞到淨係嚟咗2日m 嚇咗我一驚 以為係坊間講個d假m,所以都互相認為應該停止。)

Hello @Kii ,等我一題一題咁回覆你啦 :relaxed:

  1. 點解會流十幾日啡架:confounded:
    :point_right:t2:想了解番除左流啡情況已經持續左大概兩星期、呢幾日有D血水同啡,仲有無其他情況(例如痕癢、刺痛)出現?或者分泌物嘅氣味,同埋質地係點樣嘅?
    最近有有無病過,甚至係有食過藥?本身體重係咪正常,有無過輕?又或者呢個月有無因為擔憂嘅情況,令自己食少左野,導致體重變輕? :blush:

因為出現長期流啡嘅情況,可能係有幾個原因。(1)最近有食過藥,影響荷爾蒙分泌;(2)體重過輕,會令經血都會出現偏啡有血水嘅情況。因為見你呢個情況係最近先出現,所以如果係同(2)有關的話,就可能係因為今個月受情緒影響,營養唔夠均衡,導致體重變輕。

如果係無出現過以上所描述嘅原因,而你嘅情況亦係明顯同懷孕無關,就住你長期出現流啡及血水嘅情況,都建議去睇睇醫生,做個檢查啊~ :woman_health_worker:t2: :man_health_worker:t2:

而月經原定25/4左右黎,但係依家未黎,睇你描述嘅情況,月經來遲嘅原因就應該同懷孕係無關嘅。有時生活壓力過大,情緒唔穩定,都有機會影響月經嘅週期 :relaxed: 正如你都有提及過最近學業係有壓力,同埋同男朋友嘅接觸方法都有少少令你擔憂,所以月經可能過多幾日就會出現,可以放心心情,慢慢等待先 :blush:

  1. 係咪我上述嘅情況,懷孕機率都係0?
    :point_right:t2:無錯啊,你所形容嘅親密接觸,會導致懷孕嘅機會係近乎0。因為雖然尿道球腺液內含少量精子,但係因為你同男朋友嘅親密過程中,都係有隔住褲去觸碰。加上尿道球腺液暴露於空氣嘅時候,約幾分鐘內就會乾透,而精子亦同時失去活動能力,唔會再有辦法游入女方陰道導致懷孕。尿道球腺液喺皮膚、布料等表面上亦會加快乾透嘅速度,所以你所描述嘅幾個情況,都唔會導致到懷孕啊 :wink: :relaxed:

  2. 有冇咩方法可以令我減少對懷孕嘅不安?
    :point_right:t2: 第一,透過增加性知識,理解會導致懷孕嘅方式及原因。要明白精子要游入陰道,導致懷孕,係需要一個媒介(尿道球腺液、精液)。正如上文所講,尿道球腺液、精液暴露於空氣之後,好快就會乾透,精子亦會失去媒介去游入陰道。洗手亦有助沖走尿道球腺液、精液,令精子無辦法殘留於手上。所以記得雙手接觸過任何體液之後,都要洗過手之後,先好再接觸彼此嘅性器官啊~ :wink: 一般隔住內褲/褲嘅接觸,會導致懷孕嘅風險係近乎零。但係記得,如果性器官、體液嘅直接接觸(例如插入式性行為、陰莖於陰道口直接摩擦),就會大大提高尿道球腺液導致懷孕嘅風險啊~ :bangbang:
    :point_right:t2: 第二,最有效、令雙方都無咁不安嘅方式,就係即使無任何插入式嘅性行為,都戴番安全套,咁就完全避免雙方接觸到彼此嘅體液啦 :relaxed:

假m一般係指著床性出血, 一般著床性出血嘅 血量較少,顏色較淺 ,可能會少至只有一滴血,部分人可能血量會多少少。血量係 護墊可以承載嘅血量 ,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。所以如果你果次病,即使只係黎左2日血,但係如果果2日係有正常月經嘅血量,咁都唔需要擔心係著床性出血啊~ :relaxed: 生病,同埋如果有服用藥物的話,本身就係會影響月經嘅週期同埋血量嘅 :wink:

@Sze_StickyRiceLove
首先唔該晒你講得咁詳盡先~:+1:t2::pray:t2:
講起體重 我本來都係過輕 165左右但得44公斤
但今個月頭磅一磅重發現自己輕到得翻41左右 我都唔係好知原因 可能係食小咗 而至於下體都5會有太大異味 不過都有小小嘅:thinking:但就冇㾗 但前排白帶分泌有啲似豆腐渣(但印象中都係3月中嘅事)

至於戴安全套方面:rofl:因為同男友有時只係唔覺得掂到 唔係想發生d咩性行為 所以無可能要佢戴住。個次話驚掂到尿道球線液都係見佢扯得太明顯 而且佢隻手hi到下我下體(因為我坐姿有d奇怪:rofl::rofl:但係唔小心掂到)所以我先望下佢底底ಠ_ರೃ 不過提高性知識呢方面我都成日有上網search 但反而會嚇一驚 令到自己覺得只要唔係百分之百都會有不安:confounded: 不過最近多咗睇你地呢個Page :+1:t2::+1:t2::+1:t2:個心都有定小小
Thank you :kissing_cat: