性器官體外摩擦

早前有和男士體外摩擦,染了支原體,醫生話食藥後會斷尾,但我見你們之前提過復發機會好微,是指仍有機會復發嗎?因為食藥後再驗已無呢隻菌了。
另外性病疣和性器疱疹潛伏期又多久?現時無徵狀的話,是否要自行觀察一段時間先可放心?

支原體同埋衣原體,都係屬於「非淋菌性尿道炎」,一般食抗生素就可以痊癒,不過治療時間嘅長短,就因人而異。一般完成療程的話,醫生應該係會再約複診一次,抽樣本睇下仲有無菌。如果抽完樣本之後,真係再無菌可以被檢測到的話,就可以視為痊癒 :relaxed: :blush: 你有提及過食完藥之後再驗,已經無支原體可以被檢測到,咁就即係無事架啦,唔需要太擔心。

測試一般係驗身體內嘅病毒量,病毒量超過一個可被檢測嘅數字,先會顯示到你體內含有呢種病毒。打個比喻,假設病毒A嘅測試,係需要體內有100粒病毒A先被檢測得到,咁當你體內只有20粒病毒A嘅時候,個測試係唔會驗得出你體內含有病毒A,但唔代表你嘅體內無含有呢個病毒 :woman_scientist:t2: :man_scientist:t2:

而你之前食完藥之後,體內嘅病毒量應該已經降到一個病毒量好低嘅水平(就好似20粒病毒A嘅情況),原則上呢個病毒量係唔會影響到你嘅身體機能,同埋日常生活,亦唔能夠被現時有嘅病毒測試檢測到出黎。但係,如果未來你有一段時間,身體免疫力下降,或者再次接觸到呢個病毒/病菌/發生高風險性行為,或性器官接觸過唔乾淨嘅野,就有機會令體內剩餘嘅病毒量再次大量繁殖,令支原體情況再次復發 :pleading_face: :disappointed_relieved:

所以之後發生嘅性行為,都要記得整個過程戴安全套,降低性病傳播嘅風險啊 :blush:

有關性病潛伏期,同埋徵狀方面,可以睇睇一下嘅資料:

  1. 性病疣(俗稱椰菜花)
    :star2:潛伏期:幾個禮拜至八個月不等,有部分人亦有機會超過一年
    :star2:早期病徵:生殖器部位出現淡紅色菜花狀嘅小肉瘤、腫塊或異常皮膚變化。

  2. 生殖器疱疹
    :star2:潛伏期:大約二至五日
    :star2:早期徵狀:患處會開始覺得痕癢,然後慢慢出現一撮會感到疼痛嘅水泡。水泡大概三至四日後會破裂,流出透明嘅液體,變成有紅色邊緣嘅潰瘍。潰瘍通常可以喺十天內收乾、結痂,同埋自動痊癒。

資料來源自衛生署 衛生防護中心:

其實如果你之前接觸果位男性並出現病徵之後,係有做過一次完整性病測試,咁應該唔需要再擔心會感染左其他性病,但係仲未驗到出黎 :blush: 除非你喺空窗期期間,有再發生過性行為。因為性病測試係只能夠反映三個月前嘅性行為有無令你感染性病,如果空窗期期間同果位男性或者其他人發生過唔安全嘅性行為(性接觸過程無使用任何阻隔式嘅工具,如安全套、口交膜),咁該次性病檢測,就有機會驗唔出其他性行為有無令你感染到性病。

如果測試之前嘅空窗期,係無發生過任何唔安全嘅性行為的話,咁都可以放心果次性行為係無令你感染到其他性病嘅 :relaxed: :blush:

如果之後有出現任何病徵,就記得及早求醫同埋做測試啦 :blush:

咁係咪好似椰菜花咁,個病跟住我一世?