無入,但射左係陰唇

同佢一直都無插入過,因為想結婚先真正俾佢。平時只係合埋隻腳用大腿、陰部、臀部磨擦佢嘅J。佢一向射喺我背脊/屁股,但頭先以狗仔式(我趴係床、佢成個人壓住我),射左係陰唇、仲有好多喺床單。咁我見到自己陰唇有一大pat佢嘅精,即時用花灑沖走清洗,之後佢幫我用紙巾印陰道口
嗰度,又好似冇。根據個月經Apps仲有一星期黎m,但自己依排日日都夜訓,驚周期唔穩定,排卵期仲未完
想問會唔會懷孕? :lying_face:
我地呢個邊緣性性行為懷孕機率高唔高?

Hello 雖然唔係直接射入陰道,但如果精液接觸到陰唇,其實係好接近陰道口,變相精液亦有一定機會進入到陰道,所以係有懷孕風險嘅。

一般嚟講,其實都唔可以單憑數字去推算排卵期同下次月經嘅日子。因為月經同排卵都可以比好多因素影響到,所以都只能夠係月經出現之後,先計算返剛剛嘅周期係幾多日同大概排卵嘅日子。所以都唔建議用呢個計算方法去評估風險。

而家嘅情況其實都建議你哋盡快睇醫生,等醫生檢查過之後再處方事後丸,去減低意外懷孕嘅機率。事後丸要喺發生性行為後72或120小時之內服用,視乎返醫生診所內所有嘅牌子。因為嚟緊幾日都係公眾假期,所以家計會診所未必有開放,可能要試吓直接去私家診所度見醫生啦。

明白你哋想係結婚之後先發生插入式性行為,所以會用其他形式嘅性行為去滿足性慾。但其實不論係任何方式,只要係性接觸,都可以使用安全套嘅,咁樣就可以避免體液有間接嘅接觸,減低有類似今次嘅情況再發生嘅機會。