性交陰莖痛

我是男,割了包皮後幾個月後性交,性交後陰莖有點痛,是否跟做的時候動作太快有關呢?而且我很快射出,是否跟未習慣沒包皮下性交有關呢?聽講自慰有助提升持久力,真的嗎?

你好, @Tik! 啱啱割咗包皮就真係需要多啲時間去習慣返,因為陰莖原本俾包皮包住嘅時候,平時都唔會同其他物件,包括底褲等等有咁直接嘅接觸,再加上你做咗手術,所以可能會係做愛嘅時候會有痛嘅情況都係正常嘅。動作嘅快慢都可以能會令你痛嘅,因為龜頭變得比較敏感,因此快速抽插嘅時候摩擦力就會大啲,可能都會有影響嘅,可以試下係過程中使用潤滑劑,可以減低摩擦力。至於話好快就射嘅情況,你可以選用返坊間一啲聲稱可以延長做愛時間嘅安全套,佢哋嘅原理通常都係整得比較厚,等陰莖嘅刺激度無咁大,於是就可以變相延長做愛嘅時間。 :wink:

而一般自慰同持久力並無直接嘅關係嘅,唔會話自慰得越多就持久力就越長咁樣。如果想訓練持久力,其實都會有啲練習可以係自慰時做下嘅,例如「斷續刺激」嘅方法,就係刺激陰莖到有想射嘅感覺,然後停止,等想射嘅感覺無咁強烈,再繼續刺激。咁樣重複幾次,到自己覺得真係好想好想射嘅時候,或者接近自己理想嘅時間,先再射出。不過呢啲訓練都要循序漸進,而且要時刻留意着身體嘅反應,有咩唔妥就要即刻停止。慢慢嚟啦,割完包皮陰莖會需要時間恢復嘅,唔洗擔心! :relaxed:

1個讚