去St Paul 睇左兩次，
第一次：塞陰藥6日，搽clotrimazole
尋日覆診： 塞陰藥6日，搽類固醇elomet
但完全唔覺得有進步，
我內陰冇任何唔舒服，
只係外陰痕到試過瞓覺痕到r損標水，
尋日覆完診今日都仲係痕醒，
外陰咁痕法真係好影響生活，
痕醒簡直係地獄又明知唔r 得但真係好好好好辛苦…
痕到係咁發脾氣…
St Paul 收費好合理，約$400’次
但睇唔好想問下有冇另外婦科介紹？
因為而家冇工開直係負擔唔起睇太貴
thanks
Hello~ 想問下你去St Paul睇醫生嘅時候醫生有無同你講外陰痕癢嘅原因？因為外陰痕癢可以有好多原因造成嘅，所以要知道確實成因然後對症下藥先可以治本。如果想搵一啲價錢相宜又有信譽嘅婦科診所都可以試下去家計會，如果你係26歲以下及未婚嘅話可以去佢地嘅青少年保健中心，而已婚/26歲以上嘅話就可以去佢地嘅診所。醫生評估服務診金: 青少年保健中心$150；家計會診所$200。不過留意返唔係每一間家計會診所都有提供婦女健康服務嘅，而無論係青少年保健中心/家計會診所嘅保健服務係必須預約嘅，你可以透過家計會嘅網上預約系統/致電該間保健中心/診所預約到診時間。有關家計會嘅健康服務詳情可以參閱以下網站: https://www.famplan.org.hk/zh/our-services/clinic-services/women-health/women-health-service/content
除左睇醫生之外，都可以嘗試下從日常習慣方面改善外陰痕癢嘅問題，例如多穿棉質內褲以及通爽嘅褲/裙 (避免著緊身褲/質料較焗促嘅衣物)，以保持陰部位置通爽，因為悶焗嘅環境好容易令陰部滋生細菌。另外，如果陰道有分泌物嘅話可以用護墊，但謹記定時更換，建議每3-4小時更換一次(https://kidshealth.org/en/teens/supplies.html)，以避免陰部因為長期處於潮濕悶焗嘅環境下而容易滋生細菌。喺清潔方面，平日只需要以清水同溫和嘅梘液清洗外陰，無需灌洗陰道，因為陰道內本身有益菌平衡陰道內嘅pH值，如果灌洗陰道嘅話就會洗走左陰道內嘅益菌，令陰道內嘅環境失衡，以致容易感染細菌而發炎，有關外陰嘅清洗方法可以參考以下依段影片: https://www.youtube.com/watch?v=AlBJJ1-mw14
明白外陰痕癢的確係好困擾嘅一件事，希望你可以儘快對症下藥令陰部恢復健康嘅狀態啦 
