可唔可以覆下我🙏我同女朋友都好驚

21號同女友做完射左有帶套,我小弟弟拿左出嚟,但個套仲係入邊,之後check過冇穿。但係安全起見去咗睇醫生畀事後丸俾佢食,佢27號有出血,佢話啲血比平時黑。之後28號都有出血但少咗,到29號得少少血同痛。係來M 定事後丸副作用所以出血?
佢話原本應該 6/5左右先來
3/5 用驗孕棒check過冇事係咪可以放心?
係咪正常嚟M嘅話就姐係冇中?(雖然早左成個禮拜
同埋想問吓係咪戴套體外射精,會在安全啲 (試過拎返出嚟但係個肚仲係入邊:sweat:搞到我哋好驚

27-29/4 期間嘅陰道出血,有機會係服用事後丸之後嘅副作用。一般服用事後丸之後,可能會出現嘅副作用包括:不規律嘅陰道出血、頭痛、疲倦、乳房脹痛、覺得噁心等等。如果陰道出血情況只係出現左三日的話,咁可以放心嘅 :blush: :relaxed:

同埋服用事後丸亦有機會令下次月經日子提早/延遲。始終事後丸係高劑量嘅荷爾蒙,所以會令經期出現唔穩定嘅情況。可以再耐心等待,留意一下月經嘅情況先。

係啊,因為3/5距離21/4發生嘅性行為已經夠11日,如果真係不幸導致懷孕的話,相信3/5當日受精卵已經著床,驗孕結果亦會顯示得到。如果驗孕棒係顯示無懷孕的話,咁就可以放心啦 :wink:

如果女性喺性行為後出現月經,咁就代表卵子並無受精,體內亦唔會持續產生大量嘅雌激素、黃體素等荷爾蒙令子宮內膜持續增厚,為受精卵提供合適嘅成長空間。當無高水平嘅荷爾蒙維持子宮內膜嘅生長,子宮內膜就會破裂並脫落,形成月經。所以正常女性有黎月經的話,就係代表無懷孕啊。

如果有戴安全套的話,其實避孕率已經好高。根據研究顯示,第一年使用男性避孕套嘅人士,意外懷孕嘅機率分別為2%(完全正確使用)同埋18%(一般使用)。係咪有需要戴套後再體外射精,就視乎你同伴侶衡量風險,決定有無呢個需要啦 :relaxed: :relaxed: 當然,戴套後再體外射精,會導致懷孕嘅機會率都會再降低,因為減少左安全套射精後留喺體內,同埋喺射精期間破裂嘅風險。不過其實本身性行為過程中,陰莖性興奮嘅時候其實已經會分泌出透明嘅尿道球腺液,內含少量精子,係有機會導致懷孕。所以其實戴套後體外射精,最後減低到嘅機率其實都唔係真係太高,相差不大 :see_no_evil:

你有提及過,之前發生過個安全套留左喺女朋友陰道內嘅情況,咁其實代表左個安全套唔配合你陰莖嘅尺寸,有機會係安全套太鬆。可以考慮下次購買安全套嘅時候,挑選細一個尺寸,又或者嘗試同一個尺寸,但係其他牌子嘅安全套。因為如果安全套係適合陰莖尺寸的話,係唔應該會出現安全套留喺陰道嘅情況。安全套太鬆的話,亦會令性行為過程中,分泌物有機會透過鬆出黎嘅空間,漏左出黎進入女性體內,或者令女性分泌物有機會進入陰莖 :blush:

依然好擔心會再出現安全套留喺女朋友體內,提高懷孕風險嘅情況的話,亦可以考慮透過服用事前避孕藥,配合安全套,提高避孕率。萬一安全套真係再次留左喺女朋友體內,避孕藥喺女方身上建立左嘅藥效,都可以避免到懷孕嘅風險 :relaxed: :two_hearts:

佢話流血流左五日,咁係咪正常?同埋比正常啡
點分到係來M or 事後副作用出血?
Thanks :pray::pray::pray:

如果流血嘅情況持續咗5日,而流量同一向月經都接近嘅話,都有一定機會其實就係月經嚟。因為藥物會影響下一次嘅月經,所以比起預期日子提早咗都係有可能嘅。

副作用出血(spotting)的話一般係少量(一撻仔,多數護墊都已經承載得晒)同唔持續,所以如果係持續幾日都出血而且血量比較多(要用返一般嘅月事用品先盛載得到),會係月經嘅機會就好大。

樓主有食藥應該冇問題,唔洗驚
但對女朋友好,最好都外射 唔好食咁多藥喇

事後丸雖然係含有高劑量荷爾蒙,亦有機會導致唔同副作用出現,但一般都會係幾日之內消失,有機會影響到下次嘅經期,但好少會蔓延至日後嘅經期或者長遠影響身體。只要食藥前有諮詢過醫生,係同一個週期內唔好服用超過一次,對身體係唔會構成咩大影響嘅,唔使擔心~

至於外射,如果係無用安全套嘅情況下絕對唔係安全做法,因為尿道球腺液亦一樣含有精子;而如果係有正確使用安全套嘅狀況下,其實係咪外射都唔係有太大分別,不過的確可以避免係安全套意外有穿漏時精子會接觸到陰道嘅機率嘅。