幾時開始食事前避孕藥?

想了解下應該幾時開始食前事避孕藥…應該係我覺得遲下會男朋友發生關係前幾耐開始食?一星期? 長期食事前避孕藥會對身體有咩影響?

你好呀! @heyheyy! 事前避孕藥有21粒裝同28粒裝嘅,兩種都要係月經週期嘅頭5日開始食。

28粒裝避孕藥需要每日服食一粒,直至完成成排28粒後,,即刻開新一排繼續服用,中間唔洗停藥,啱一啲比較大頭蝦嘅人。28粒裝嘅藥會係最後有4粒含非活性成分的藥丸(白色藥丸),通常會係食呢4粒嘅時候會嚟月經。

21粒裝避孕藥都係需要每日服食一粒,但係食完之後就要停7日藥,之後再開新一排藥食。而月經就會係呢7日就會嚟架啦。

因為避孕藥需要時間發揮效用,所以要係啱啱開始食藥嘅頭7日使用額外非藥性嘅避孕措施,例如男性避孕套:laughing:

同埋建議每日都係大約係同一個時間食藥,減低出現唔舒服嘅機會。如果唔記得食藥就要係記得嘅果一刻即刻補食返漏食果一粒,然後根據返之前食藥嘅時間繼續食。:grinning:

兩種藥物都係要長期服用,唔可以話淨係食7日,如果你一停藥(21粒停個七日除外)就會失去嘅避孕功效。同埋一般人頭一兩個月身體都會需要時間去適應藥效先會變得穩定,而避孕藥其中一個功效就係令月經變得規律,如果食幾日又停對身體嚟講都會好混亂,同埋避孕嘅效果都唔穩定:pleading_face:

依家口服避孕藥係非常安全同有效嘅避孕方法,所以就算有少少嘅副作用例如頭痛、胃痛、噁心、乳房腫脹、體重同性慾發生變化、情緒低落等。不過,呢啲症狀一般會係幾個月後就消失,並無其他長期嘅影響嘅。:laughing:

如果你係第一次食避孕藥,都係建議你搵醫生睇一睇你身體狀況,你可以去家計會買避孕藥,果度都會有醫生幫你評估身體嘅狀況。:sunglasses: