求救 想要一個解答🙏🏻

女朋友上次黎m已經係16/2嘅事 佢經期一直都唔穩定

佢3月尾嘅時候食左兩個禮拜抗生素之後一直都未黎

我地係10/3 3/4 14/4 7/5都有過親密行為

冇插過 只係用過手同口(我幫佢同佢幫我都有)

有3次佢用手幫我時都有用套套住

事後加水入去檢查過都冇穿到

另外我地每次都有一齊沖涼

我想問佢懷孕嘅機率大唔大

(佢呢兩個月成日都話谷住谷住)

會唔會我隻手掂過自己下邊之後掂佢搞到有左

會唔會沖涼嘅時候搞到佢有左

中間係21/4 3/4有用過驗孕棒
兩次都係一條線 但係3/4女朋友話得好少尿 真係好少
少到得幾滴 所以唔知準唔準
而21/4就係跟住曬黎做 都係一條線
咁係咪唔會係有左 定係太早驗唔到

Hello~ 照你所講嘅情況懷孕嘅機會非常低阿 :blush: 因為喺無進行插入式性行為嘅情況下,精子無途徑進入陰道,所以亦唔會受孕。另外,即使手交/口交嘅時候掂到含有精子嘅分泌物 (即係男性受性刺激時分泌嘅透明、黏黏地嘅液體,叫做尿道球腺液),之後再接觸女方陰部,精子游入陰道嘅機會都好微,因為精子接觸到空氣之後喺幾分鐘內就會死亡,而接觸到皮膚亦會減低精子嘅存活率。另外,驗孕棒最快可以喺性行為嘅7日後進行檢測,而喺性行為嘅11日後驗孕嘅結果會更準確,因為驗孕棒係透過檢測尿液中嘅人絨毛膜促性腺激素(hCG)水平去測試有無懷孕嘅,當受精卵著床之後,體內就會開始分泌依種激素,而受精卵著床大概需要6-9日嘅時間,所以喺性行為嘅11日後驗孕嘅結果係非常準確嘅。所以你地喺21/4嗰次驗孕係可以準確檢測到10/3 、3/4 、14/4依3日嘅懷孕結果嘅 :blush:

至於經期不穩定其實有好多唔同因素影響,例如生活作息習慣改變、心理壓力大、長期處於擔心嘅狀態等等,而服食抗生素亦係其中一個會影響經期嘅因素,因為服食抗生素有機會影響荷爾蒙,繼而影響經期。不過見你女朋友距離上次經期都相隔左大概2個月,而佢依2個月亦都有月經前嘅不適,所以建議去睇醫生了解返身體狀況同埋月經遲黎嘅確實原因 :man_health_worker:t2: :woman_health_worker:t2: