吃完事後避孕藥月經遲了

同女友於5月5號下午愛愛 發現套破了 馬上就吃了事後藥。
原先6號會來經 但到現在5月10日 都未來經 好驚
(上月來經為4月6日)
(女友冇任何不舒服 )

你好呀,因為事後藥含有高劑量荷爾蒙,因此好多女性係服食後都會影響下次經期,可能會改變日子,亦可能改變月經時嘅血量同狀態,所以即使現在未嚟都唔需要擔心。無任何唔舒服,即係無出現任何副作用,都唔代表藥效無發揮到嘅,每個人身體狀況都唔一樣,唔係每位女性服食後都會出現副作用。

其次,月經本身係好容易受內在同外在因素影響到,即使無食過事後藥,都唔係每位女性都會每個月同一日嚟月經。要睇番一向月經週期數字,先可以比較準確地計算下次經期嘅預期日子(可以考慮下載記錄經期嘅Apps,會睇得清楚啲,大部分嘅Apps更可以以過往幾個月週期數字嘅平均值去預計經期)。同時亦要留意過往呢個月有無試過情緒波動、好大壓力、病過、食過藥、生活作息有改變等等嘅情況出現過,因為呢啲事都係會影響到體內荷爾蒙水平,繼而影響經期。

最後,事後藥係香港係需要醫生處方嘅藥物,所以你女朋友食藥前應該已經被醫生檢查過,確認係適合服用事後藥,同埋使用事後藥作緊急避孕用途。如果醫生都覺得適合的話,一般都無太大問題,唔需要太擔心有無效嘅。如果你哋係係家計會見醫生同開藥,一般都有同當事人約期上去覆診驗孕,確保成功緊急避孕。如果你哋係私家診所見醫生的話,就未必會預約驗孕,你哋可以自行買驗孕棒測試。係性行為後7日驗已經會有初步結果,而係性行為11日後/預計月經日子(不過你地係預計月經日子前食藥,所以最好用返性行為11日後呢個標準去做測試)驗結果已經會相當準確。

今次係因為安全套破裂而需要事後避孕,可以襯呢個機會同伴侶回想下安全套係因為咩原因破裂,避免日後再出現類似情況。一般會導致安全套破裂嘅原因有:1)佩戴時無將儲精囊內空氣擠出,導致射精時安全套有氣壓,逼爆安全套;2)潤滑度不足,單靠女性陰道分泌物或者安全套上嘅潤滑劑都係唔足夠嘅,特別係非乳膠造嘅安全套(大部分薄過0.03嘅款式),因為物料本身彈性比較低,更加容易破裂;3)安全套尺寸唔適合,過大或者過細都會增加風險。或者其他你地留意到過程有異常嘅位,都歡迎同我哋傾吓,睇下有無可能構成風險。

1個讚

咁我想問下 如果當今個月食左事後藥 仲未黎m咁 今個月 仲會唔會黎 定直接會跳到下個月

一般女性服用事後丸之後,月經會出現提早/延遲嘅情況,而有少部分女性甚至會出現停經嘅情況,所以暫時唔需要太擔心嘅 :blush:

但係如果停經情況超過兩個月,就要睇醫生,做番個相關嘅檢查,了解持續停經嘅原因啦。

我想再問下 有見上網有人話吃完之後5日會有出血 咁會唔會係來經呢? 今日第三日

事後丸其中一個副作用係陰道出血,不過一般血量都會比較少而且唔係持續性。網上其他人嘅分享好難評估到當時實際嘅情況,副作用出血熱唔係每個女性服用後都會出現,所以唔能夠見到對方話有「出血」就作一個絕對嘅判斷。但如果出血嘅情況同月經係類似嘅:量比較多、持續地出血,咁會係月經嘅可能性都頗高。

你好 在上星期5月11日至5月17日 即共7天時間 都有來經的情況 亦沒有出現其他身體不舒服 是否不用過份擔心

你好 在上星期5月11日至5月17日 即共7天時間 都有來經的情況 亦沒有出現其他身體不舒服 是否不用過份擔心

你好 在上星期5月11日至5月17日 即共7天時間 都有來經的情況 亦沒有出現其他身體不舒服 是否不用過份擔心 謝謝

如果你女朋友5月11日-5月17日期間,持續7日都有來經嘅情況,血量同過往月經血量相近的話,而身體亦無其他異樣,咁就無需擔心啦 :blush:

1個讚