害怕懷孕😭

如果check咗安全套冇穿,係咪就唔會有bb?:sob::sob:
利申: 有安全套&在射前拔出

Hello,如果有正確咁使用安全套,事後又有檢查過安全套係無破裂的話,基本上可以確保精液同尿道球腺分泌都無接觸過陰道,唔會導致懷孕。雖然無任何避孕措施係可以100%避孕(除咗唔發生性行為),一般使用安全套嘅避孕率都頗高嘅。大部份導致安全套失效嘅都係人為因素,例如:唔係整個性交過程都使用安全套、無分清楚正反、無戴到落底、無將儲精囊內空氣擠出、使用唔適合嘅尺寸、潤滑度不足等等。如果你一向使用安全套時都有留意正確步驟,基本上都係安全嘅唔使擔心!

見到你話會係射前拔出,雖然咁樣係減低咗精液意外接觸到陰道嘅機會,但陰莖性興奮時已經會分泌透明嘅尿道球腺液,當中有可能含有精子。如果安全套係過程中破裂,即使無射精,尿道球腺液內嘅精子一樣可以導致懷孕。如果你擔心安全套唔夠保障。可以考慮額外使用埋荷爾蒙避孕法,例如事前避孕藥、避孕針、避孕貼等等,呢類產品嘅避孕率比安全套高,會出現意外嘅機會亦比較微,唯一問題係唔能夠避免體液接觸,無辦法預防性病同其他疾病透過性傳染。所以都建議雙管齊下,安全套+荷爾蒙避孕法,同時使用,去提高性行為嘅安全度。

你好:sob: 我上次來m大概是4月頭(10號前),平時大概30-35日左右來一次m。但依家都冇來所以好擔心…5月11號有用驗孕棒,冇懷孕但我呢排(5月)有時流啡色分秘物…係咪我有事?定其實有咗?:sob:

同埋我5月6號有做過(戴套+外射),所以想問驗到冇懷孕係咪只代表我4月做果陣冇令我懷孕?:sob:

你好呀! @qqqqqq! 陰道流出少量啡色分泌物其實係由少量子宮內膜脫落而引起嘅,如果無異味、外陰都無痕癢嘅話,其實唔需要太擔心,係正常嘅身體情況嚟,唔洗擔心架~你可以觀察多幾日,如果連續幾日都係都係有啡色分泌物的話,其實有機會係經血嚟,有唔同嘅因素可以影響到月經週期同埋經血嘅狀態嘅,例如睡眠足唔足夠、會唔會壓力好大、係咪經常處於擔心嘅狀態等等,都會令月經早到或者遲到,同埋影響經血嘅狀態,唔洗太擔心。 :blush:

因為最快都要係性行為嘅7日之後先可以有初步結果嘅,性行為後11日個結果都準確架啦,你5月111號驗果次,好似你咁講,係驗緊4月果次性行為有無懷孕。:wink:

而5月6日果次你可以係17號果日去驗一次,果陣已經係性行為後11日,結果都比較準確架啦。記住要跟返說明書裡面嘅步驟去做呀,係指定嘅時間內睇驗孕結果,因為每個牌子都會有唔同架。:face_with_monocle:

多謝你解答:pleading_face: 我d分秘物有異味啊…但冇痕。喺底褲同用廁紙抺嘅時候都有啡色分秘物…(tissue 有少少,好似黏黏地?)(底褲就啡色&濕濕地,聞起來比平時怪?) 所以好擔心。不過我4月尾成日凌晨3點先訓,會關事?但我之前有時都1~3點訓又冇事…

如果無痕癢或其他身體唔舒服,例如小便刺痛/陰道刺痛,即使有少少異味都需要太擔心嘅。因為女性陰部衣物一般比較貼身/唔透氣,特別係市面上大部分內褲款式都唔係棉質製造,加上最近天氣潮濕炎熱,陰部經常處於侷促嘅狀態下,有機會因為細菌滋生導致分泌物有異味。比較黏嘅分泌物有機會係有細菌感染引起,或者單純係因為排卵期荷爾蒙有變化而造成嘅。而且如果你每次性交都有使用安全套,會係性病引起嘅感染機會率都比較細嘅。

暫時都未察覺你有太多感染嘅跡象,可以試下透過改變生活同清潔習慣睇下有無改善先。除咗每日都要用清水溫柔地清潔外陰,呢幾日可以試下著棉質內褲,同埋比較鬆身嘅衣物,俾下體有多啲空氣流通嘅機會。日常飲食亦要注重飲多啲水同埋有足夠嘅休息,突然改變嘅睡眠習慣(4月尾成日凌晨3點先訓)都有機會打亂咗身體一向嘅習慣架~

如果過咗一排分泌物嘅情況無改善,或者有惡化/出現痕癢刺痛嘅情況,就要盡快去睇醫生做檢查啦~