Don't know what to do...

事源系咁嘅,我3月尾,比個無套左,但系我好驚會有病(佢堅稱無,但有同過其他人bb,有些許爛玩,但話會揀人玩),跟住本身已經好慌,打算六月尾去做test。

但頭先,我阿媽因為見到我血糖低幫我'拮手指'跟住無換針頭嘅時候幫我啊婆'拮手指',我宜家好驚…我本来已經好大壓力,我只系17歲,再加上呢排有野煩緊,我好怕自己有病,更怕會傳染到我啊婆,我啊婆自細照顧到我大,如果佢因為我有咩事情,我真系原諒唔到我自己…

首先好欣賞你會及早意識到感染性病嘅風險,而且有計劃六月尾去做性病測試啊 :blush: 的確你3月尾所發生嘅無套性行為,係有機會令你感染到性病,因為當中可能會有體液上嘅接觸,甚至過程中如果黏膜組織有受損(例如肛門、口腔)的話,病毒就會更容易透過損口傳播。

你嘅情況,依家可以做嘅係 1. 直接等候6月尾做性病測試;2. 先購買性病自我檢測套裝,每四個禮拜檢測一次,直到6月尾再做多一次,咁就有機會可以提前檢測左一D空窗期較短嘅性病先 :relaxed:

而擔心傳染到性病病毒方面,無需太擔心嘅,因為性病病毒要透過血液傳播,一般需要有一個明顯嘅損口(例如持續滲血),同埋一定嘅血量,先會有機會令另一個人感染到性病性病。雖然一般共用針筒,同埋輸血係有機會傳染性病,但因為一般拮手指驗血糖嘅針口會比較細,同埋沾上嘅血液會比較少,傳染嘅機會會比較低。同埋都想了解下你媽媽幫你拮完手指之後有無簡單用紙巾抹一抹先幫你婆婆拮手指?如果有抹一抹都會比較放心嘅。同埋血液內如果含有病毒的話,接觸空氣之後,一般都好快就會死,如果唔係即刻幫你婆婆拮手指的話,咁病毒傳播到嘅機會亦會更細。所以睇你嘅情況,一個較細嘅針孔,同埋殘餘喺針頭上嘅血液,係較難傳染性病到去你外婆身上,可以放心 :blush:

當然未來都要小心避免呢一類嘅血液接觸啦~ 建議提醒番你媽媽,衛生及安全起見,即使係一家人,亦唔應該共用同一支針。如果真係要共用,亦應該消毒好先再次使用,避免任何細菌及病毒嘅傳播。同埋之後無論同邊一個人發生性行為,都要記得整個過程戴番安全套,減低性病傳播嘅風險啊 :two_hearts:

多謝你。。。