咁樣會懷孕?

我知有啲遲問 但係有啲擔心:pray:
同男友1/5進行左性行為 佢體外射左 而個日係我受孕期
想知咁嘅情況下 懷孕機會大唔大?

Hello~ 首先想問下你講嗰次性行為期間有無用安全套?因為男性喺受性刺激嘅時候通常會自動分泌一啲透明而黏黏地嘅液體,叫做尿道球腺液,當中都含有少量精子嘅,所以如果性行為期間無用安全套,即使係體外射精都有懷孕嘅機會嘅。

如果你地嗰次性行為期間無用安全套嘅話,因為宜家已經過左可以食緊急避孕藥嘅時間,所以建議你地買驗孕棒驗孕。驗孕棒最快可以喺性行為嘅7日後檢測出結果,因為驗孕棒係透過尿液中嘅人绒毛膜促性腺激素(hCG)水平去檢驗有無懷孕嘅,當受精卵著床之後就會開始釋放依種激素,而受精卵著床大概需要6-9日,所以喺性行為嘅11日後所檢測出黎嘅結果會更準確。距離1/5已經過左超過11日,所以你地宜家驗出黎嘅結果係好準確嘅。你地可以買一兩個牌子嘅驗孕棒進行檢驗,記住要按照說明書嘅指示進行驗孕,如果兩個嘅結果都呈陰性嘅話就應該係無懷孕啦 :blush: