而家既男友係識我之前有過好多經驗,成日去酒吧one-night stands等等。相反我只同過ex有經驗… 雖然感情上我好信任、好愛而家既男朋友,但我會控制不到地想像佢同其他人have sex,又會覺得自己身材同技巧比唔上佢以前既sex partners等等。成日亂諗都好辛苦,但我唔係怪佢既,始終係以前既事。
唔知係咪咁所以我同佢have sex時,佢成日會因為我太緊而整到佢痛,可能我唔夠放鬆?之前同ex都無呢個問題,定係因為有很長一段時間無have sex而緊左呢? this really borthers me 
Hello~ 多謝你同我地分享你嘅感受阿
喺戀愛關係入面,想另一半只愛我地、只屬於我地係人之常情嘅諗法,因而好容易令我地介懷另一半過往嘅感情經歷。如果想改變依個感覺,我地首先要問下自己確實介懷嘅啲咩野,你提到話想像到男朋友同其他人發生性行為就覺得好辛苦,當中介意嘅係男朋友對其他人嘅愛同激情/男朋友覺得其他人吸引?如果係因為依啲原因嘅話,我地可嘗試以同自己講: 男朋友曾經覺得佢嘅性伴侶吸引,並唔代表佢宜家都係,正如你曾經同ex有過性經驗,並唔代表你宜家依然覺得ex好吸引/對佢有激情。宜家你地選擇左同對方一齊,就即係代表你地都認為對方比有以前嘅伴侶吸引之處,所以即使男朋友有同其他人發生過性行為都唔代表佢對佢地有留戀。
另外,你提到覺得自己嘅身材同技巧唔及男朋友以前嘅性伴侶,想知道有依個諗法原因,係你睇到男朋友以前嘅性伴侶嘅模樣而覺得自己及唔上對方,定係你從男朋友口中感覺到佢覺得你嘅身材同技巧及唔上佢以前嘅性伴侶?如果係因為前者嘅話,建議你可以同男朋友分享下你嘅諗法,睇下佢對你嘅感覺有咩睇法,好多時我地嘅伴侶都可能睇到一啲我地自己留意唔到嘅優點同長處架 
至於同男朋友發生性行為嘅時候佢感到疼痛,的確有機會係因為你緊張而令陰道過於繃緊同唔夠潤滑,因為當女性進入性興奮嘅狀態之後,陰道會逐漸擴張同變得濕潤,令陰莖較容易進入陰道。所以建議你先處理以上提到嘅諗法,令自己可以更投入性行為嘅過程,亦都想你知道性行為嘅歡愉度並唔係只取決於雙方嘅技巧,好多時更重要嘅係雙方嘅投入程度。所以你喺性行為嘅時候唔需要太過介懷自己嘅技巧好唔好,嘗試將注意力放喺同男朋友嘅親密互動之中 
1個讚