男性性問題請教

你好 本人三十歲 擔心性功能下降

請問

  1. 通常男性幾耐會自慰一次為最好 ?
  2. 做咩運動會對性行為有幫助?
  3. 通常陰莖幾耐會勃起先正常?
  4. 通常做愛由插入到射精幾耐先正常?
  5. 通常陰莖勃起後 不再受刺激情況下 幾耐會軟番叫正常?

謝謝你

你好呀,其實30歲仍然係好年輕,有冇咩情況/事發生令你擔心自己嘅性功能下降?

1)不論性別,自慰頻率都係無一個特定標準嘅,只要無影響到身體(例如造成刺痛,出現異常分泌物)或者影響到日常生活(例如唔自慰就無法進行日常活動:返工,返學,休息等等),都係無問題嘅。因為每個人身體狀況唔同,需求唔同,自慰嘅方式同強度唔同,亦好難去界定何謂「最好」嘅頻率。只要你覺得合適,滿足到自己嘅需要,已經係你嘅最好啦。

2)性係人自然嘅一部份,所以其實保持身體健康,有適當嘅運動量就已經係對身體最好,同時亦係對性行為最有幫助嘅。至於你話有無邊啲運動特別有效,呢一點反而可以睇下自己平日發生性行為時有無邊啲狀態特別想改善,或者最想同伴侶用邊一種體位,可以因而集中去訓練某啲肌肉。例如有啲人發覺自己好容易喘氣,咁可以做多啲帶氧運動,訓練肺活量。有人喜愛「龍舟掛鼓」嘅體位,咁就要加強訓練手臂同大髀嘅肌肉啦。

3)呢一點一樣係因人而異,而且亦視乎平日自慰/刺激時嘅強度同方式。如果習慣比較高強度或者高速嘅刺激,一旦有一日刺激變得偏溫和或者慢速,需要嘅時間亦會比較長。另外本身個人敏感度亦會造成分別,有啲人可能平日衣物摩擦都會覺得有興奮嘅感覺繼而勃起,或者剛剛割完包皮時都會比較敏感啲,變相需要刺激嘅時候就會短啲。

4)由插入到射精如果短過1分鐘,醫學上會視為早洩。不過勃起時間同射精時間其實都可以被好多因素影響到,例如當下嘅身體狀況(例如會唔會好攰/唔夠瞓),心理狀態(例如會唔會好緊張/好大壓力,性興奮程度),被藥物影響等等。係AV入面好想會見到男主角抽插一個鐘(或更多)先射精,或者勃起一段好長嘅時間,但好多時呢啲都係喜劇效果,透過剪接而成,並唔反映現實。而且勃起時間好長其實都未必係好事,伴侶/性交對象可能並唔喜歡長時間嘅性愛,分泌物亦會隨著性交時間減少,潤滑度不足除咗有機會造成疼痛,亦會令安全套破裂嘅機會增大。如果對自己射精時間有不滿,可以試下透過進行訓練去稍為延長時間。方法係自慰/性行為時當刺激到差不多要射精時馬上暫停刺激,等感覺變淡後再刺激,可以反覆練習直到達致接近理想時間在射精。不過進行呢啲訓練要時刻留意住自己身體嘅狀況,亦切忌操之過急,要慢慢訓練。

5)勃起時間呢一點其實好因人而異嘅,暫時無一個特定標準,大部分人如果無繼續刺激(不同形式嘅刺激,唔限於physical嘅刺激)落去,性興奮嘅感覺會慢慢自然減少。有啲人係1分鐘之內,有啲可能5分鐘,呢個時候都係好個人嘅。亦有啲人可以維持勃起一段時間再變軟。除此頭先提及過外在內在因素外,一開始受到幾多刺激都可以影響到陰莖勃起嘅時間。

見到你大部份嘅問題都係圍繞住「正常」或者「最好」,但偏偏每個人嘅身體都唔一樣,特別係性上面,好多時都係無一個特定嘅標準。曾經有一份研究透過綜合500對來自5個歐美國家嘅夫婦嘅數據得出,由插入陰道到射精嘅時間分佈,18-30歲男性大概係6.5分鐘,而50歲以上就大概係4.3分鐘。但即使有研究公布一啲數字,個啲數據好多時都只係應用係某啲群體上,而且好多都係平均數值,收集過程亦唔係將每一個人係每一個狀態下嘅數字納入計算,變相亦唔可以用作指標。

所以都唔需要太過著眼於追求所謂嘅「標準」,因為社會同人類本身就係多元,好多時根本就係無「最好」。只要你覺得ok其實就已經足夠,唔需要強迫自己同其他人一樣,亦唔需要因為不一樣而覺得有問題呀~

感謝你詳盡既解答 想問如果想狗仔式應該訓練邊到肌肉 因為次次轉狗仔式後入就入唔到
同好難就位 唔知係咪我大脾長 我180cm高

狗仔式(Doggy Style)的話,最緊要都係要練習臀部嘅活動性(mobility)同埋強化呢部分嘅肌肉~ :wink: 訓練動作嘅詳情,都可以網上睇外國嘅體能訓練網站搵到 :blush:

身高差方面,都可以嘗試一下進行狗仔式嘅時候,女方膝蓋下面墊一個枕頭,提高女方臀部嘅高度。又或者你企喺床邊地下,而女方跪趴喺床上,睇下咁嘅高度後入嘅時候會唔會比較合適 :relaxed: :kissing_closed_eyes: 或者女方上身都可以嘗試直接趴喺床上,令臀部角度提高,男方可能較容易插入。

同埋好多人狗仔式覺得唔太舒服/遇到困難,係因為每一個人嘅陰莖勃起角度都唔同,同埋每個女性嘅陰道狀況都唔同。所以有時即使插入左之後,都需要慢慢調整角度,先會搵到兩個人覺得舒服嘅點~ :relaxed:

請問如果通常我訓低 女上男下 要女方幫我勃起先成功插入

而我男上女下 感覺到大脾頂住張床 要用力 好難集中
好難維持勃起插入

可以點解決? 謝

無論咩姿勢,如果陰莖係未勃起,處於一個軟嘅狀態的話,其實都好難進入到對方體內啊 :relaxed: :blush: 所以都係需要勃起先能夠成功插入~

而喺男上女下嘅時候,你話感覺大脾頂住張床嘅情況,可唔可以再形容多少少個姿勢,或者覺得困難嘅地方? :grinning:

如果你所指嘅男上女下,係指緊傳教士式的話(Missionary Position),練習多D腹肌、臀部肌肉,同埋整體嘅肌肉持久度(特別係大脾)都會有幫助。可以試下練 plank with leg extension,輪流抬起左右腳,雙腳都保持伸直嘅姿勢,睇下會唔會有幫助 :relaxed: :wink:

還是你所指嘅男上女下,係CAT Position (Coital Alignment Technique 直入性交技術),係女方訓喺床上,你重量要完全訓上去女方身上,陰莖需要喺較高嘅角度進入?因為呢個姿勢,本身呢個姿勢對肌肉嘅要求係較高,亦較難插入。建議如果覺得吃力的話,可以叫女方抬高張開雙腿,或者將雙腳放喺你兩邊肩膊上面,咁你就唔會喺成個人訓上去,而係跪喺床上,比較容易用力。女方臀部下面墊個枕頭,都應該會容易D插入同埋發力啊 :kissing_closed_eyes:

是傳教士

我唔敢試其他姿勢 怕好快就唔硬

請問通常受幾耐刺激先會勃起?

因為我有戀足癖 所以難興奮

請問如果想睇醫生 除左家教會 會唔會有好介紹?謝謝
我覺得我有心理問題

好似 @Kitty_StickyRiceLove 咁講,每個男性勃起所需嘅時間都唔一樣,亦無所謂「正常」 嘅標準。不過當然如果你想延長陰莖勃起嘅持久度/加快陰莖勃起嘅速度亦唔係一個錯嘅諗法:blush: 除左訓練身體不同部位嘅肌肉之外,亦可以透過前戲去令陰莖更快進入充血勃起嘅狀態。見到你提到自己有「戀足癖」,首先希望你明白每個人都有唔同嘅性喜好,而性喜好並無好壞之分嘅,就好似每個人鍾意食嘅野都唔一樣咁,只要性喜好無侵犯到其他人,同埋係喺雙方有共識嘅情況下進行就無問題。所以對腳有性興奮嘅感覺並唔係一個唔好嘅癖好,反之你可以嘗試下同伴侶講解下自己依個性喜好,睇下伴侶會唔會想喺前戲/性行為期間加入多啲依方面嘅刺激,令你可以更加投入同享受性行為。就以你提到嘅「傳教士」體位為例,如果好似 @Sze_StickyRiceLove 咁講讓女方將雙腳放喺你嘅肩膀上,其實都可以增加你同伴侶雙腳嘅接觸,你可以嘗試下睇下會唔會可以增加你嘅性興奮 :relaxed:

至於你提到想我地轉介心理醫生嘅輔導服務,介唔介意講多少少你所講嘅心理問題係指邊方面?因為我地都需要知道多啲你嘅需要同問題先可以推介返合適嘅服務同資源俾你 :blush:

心理問題係如果硬左就好想快d插入

性表現焦慮症

就你之前所講嘅情況,想了解多啲你對勃起後想立刻插入而感到焦慮嘅原因係咩?係因為怕如果勃起後唔立刻插入就會維持唔到陰莖嘅硬度?怕滿足唔到伴侶?歡迎你同我地分享多啲你對於自己嘅性表現感到焦慮嘅原因,如果覺得好難解釋嘅,可以嘗試回想下你有依種感覺嘅時候,通常係喺咩情況下發生?依方面都可以同我地分享下:blush:

你所講既兩個原因都係

主要係第一個原因 同怕好快就射

咁我地可以先就第一個原因去睇,即係怕勃起後如果唔立刻插入就維持唔到陰莖嘅硬度。好似我之前嘅回覆咁講,你可以嘗試從前戲方面入手增加你性興奮嘅程度,因為性興奮嘅程度亦都同陰莖喺性行為期間嘅硬度有關。而要留意嘅係性興奮並唔單止源於陰莖方面嘅刺激,亦包括其他嘅性接觸,例如親吻、愛撫等等,見你之前提到自己對於腳有性興奮嘅反應,亦都可以嘗試下將依方面嘅刺激加入前戲之中。

另外,希望你明白喺性行為期間陰莖有時會軟左亦係好正常嘅情況,就好似 @Kitty_StickyRiceLove 咁講,陰莖嘅持久度其實受好多唔同嘅因素影響,例如性行為時嘅身體狀況、環境舒適度、心理壓力等等。所以即使陰莖喺性行為期間軟左亦唔需要感到羞恥,可以讓伴侶透過不同嘅性刺激令陰莖回復硬度,如果覺得攰嘅話亦都可以先休息一下再繼續,唔需要俾自己太大壓力,逼自己喺整個性行為嘅過程中都維持硬度架:blush:

而第二個原因,即係怕滿足唔到伴侶同怕自己好快射。鼓勵你就住依方面了解下伴侶嘅睇法同感覺,睇下伴侶對於你地性行為嘅時間同節奏有咩感覺,因為可能你覺得性行為時好快射,但你嘅伴侶並唔係咁樣覺得,了解彼此嘅性需要同性喜好都係維持性福嘅重要元素之一架:smiling_face_with_three_hearts:

睇左醫生 檢查左話係男性荷爾蒙過低 要食藥

同時醫生話要保持有性伴先唔可以令荷爾蒙降低

但同時呢排發覺同兩位性伴侶做愛時

我服侍她時 我下體都沒什麼性反應 (沒有足夠睡覺程況下,深夜時做的)

佢哋都有個共同點就係只係識用手幫我 沒去做其他嘢刺激我其他部位 所以我硬唔到

請問我係咪需要戒睇AV? 定因為我眼瞓同太緊張?
但我肯定當時自己如果睇av應該會硬到

Hello @boy ~ 見到你有因應自己嘅情況及需要,而去睇醫生,係好好嘅決定啊 :smiling_face_with_three_hearts:

精神狀態同埋壓力,都會影響陰莖嘅硬度同埋持久度。建議可以先從睡眠時間入手,睇睇有足夠休息之後,再發生性行為,情況會唔會有所改變 :blush: :wink:

如果你希望性伴侶可以嘗試做其他野,去刺激你其他部位(例如乳頭),或者除左手之外,都想嘗試口交的話,都可以嘗試同性伴侶提出你嘅需求,睇睇對方會唔會願意配合 :relaxed: :blush: 不過最緊要都係要留意番必須係有雙方嘅共識,唔能夠強迫對方做唔願意嘅野 :heartpulse:

有時陰莖嘅硬度/刺激,除左觸覺外,視覺/聽覺/味覺/內心感覺等方面,都會有所影響。所以都可以嘗試同性伴侶討論一下,會唔會想增加其他感官上嘅刺激(例如著情趣內衣/使用帶有味道嘅潤滑劑),或者你都可以嘗試專注多D性器官上嘅觸覺及雙方嘅交流,睇睇會唔會令你更容易感到性興奮 :relaxed: :wink: 放鬆心情,專注喺性伴侶及性行為上,都會有所幫助啊~

戒睇AV方面,其實暫時都未睇到有呢個必須性。始終睇AV自慰,同與一個人發生性行為,係兩樣唔同嘅事情。除非你自慰嘅次數太多,或者自慰時力度過強,令陰莖適應左呢個力度後,發生性行為嘅時候發覺無咩感覺,先有需要嘗試調整自慰上嘅習慣/睇AV次數。唔係的話,暫時都未必需要戒睇AV嘅~

建議先從調整精神狀態,同埋舒緩緊張情緒入手,改善性行為時嘅狀態。加上你依家食左藥之後,情況都應該會有改善,無需太擔心啊 :relaxed: :smiling_face_with_three_hearts:

我性行為次數比較少 可能三個月先一次
所以習慣左用手

睇AV用手自憵每星期次數大約2-3次

現在只想解決為何異性不能令我正常勃起

我當時是有感覺但不能勃起

但當天晚上用手又感受到好硬 所以一直好困擾

如果性行為嘅時候有性歡愉嘅感覺但無法勃起嘅話,的確有機會同你當時嘅狀態同埋刺激嘅強度有關,如果性行為嘅時候身體比較疲倦或者比較緊張嘅話,的確有機會影響陰莖勃起嘅狀態,所以你可以好似 @Sze_StickyRiceLove 咁講調整下作息時間先 :blush: 另外,要留意嘅係即使有性歡愉嘅感覺,陰莖都唔一定會勃起,要視乎當時嘅身體狀況同埋刺激嘅強度。所以你可以留意下自慰嘅時候有邊啲元素會令你進入性興奮嘅狀態,依啲元素可以係對身體不同部位嘅刺激、刺激嘅方式同速度、環境同氣氛等等,再嘗試同伴侶講解,睇下對方願唔願意配合 :blush:

有醫生話如果性行為同性刺激少嘅話 會令荷爾蒙越來越低 咁係咪代表我要盡快搵性伴女呢

雖然醫生建議維持規律嘅性生活可以防止荷爾蒙降低,但係如果現階段你認為自己未適合或者未準備好發生性行為都唔需要勉強自己盡快搵性伴侶嘅 :relaxed: 如果唔係可能會增加左自身嘅壓力,反而有機會影響到荷爾蒙水平 :pleading_face: 因為荷爾蒙水平本身受好多唔同嘅因素影響,所以想了解多啲醫生除左建議你維持規律嘅性生活之外,仲有無提供其他幫助提升荷爾蒙水平嘅方法?