關於事前避孕藥

Hello,我有食開yaz避孕藥,我食緊第一個月,而家差唔多食完,跟住今日我上網無意中睇到資料話原來要準時食,即係要每日嗰個鐘頭食,咁我之前嗰個月係每一日都唔同時間食…因為我冇留意佢會係話要每日準時食,但我之前同男朋友有做過性行為,冇用condom,同埋我係一開頭食跟住過咗七日先冇用,不過雖然我每日唔同時間食但我每日都有食齊,冇漏食過,我係一時朝頭早食一時夜晚食,我想問咁樣會唔會降低避孕率?藥效會唔會降低?

Hello~ 事前避孕藥最高避孕成效嘅做法的確係每日定時食藥,但係如果無漏食、食藥後無腸胃不適,以及無同時服食其他藥物嘅話,即使每日唔係同一個時間食藥都唔會對藥效有太大影響嘅,因為Yaz嘅避孕藥喺超過24小時後服用先會影響效力,而且見你話初次食藥嘅首七日期間,性行為嘅時候都有用安全套,所以懷孕嘅機會好低,唔需要太擔心,之後定時食藥就可以啦 :blush: 如果怕岩岩開始嘅時候唔記得定時食藥嘅話,可以喺電話個calender度set返食藥依個event,同埋開埋定時提醒嘅功能,之後就會慢慢習慣喺特定時間食藥依個動作架啦 :relaxed:

不過見你提到上網無意中睇到資料先知道要準時食藥,想了解返你係經醫生處方定係自行購買事前避孕藥嘅?因為如果係第一次服食避孕藥都建議經醫生處方,等醫生了解返你嘅身體狀況再判斷你適唔適合食藥,因為並唔係每個人嘅身體狀況都適合食避孕藥嘅,例如高血壓、偏頭痛、過重等嘅人士服用係有機會增加中風嘅風險,所以如果你第一次食避孕藥係自行購買嘅話,建議你之後去私家診所/家計會了解返你嘅身體狀況係唔係適合食避孕藥 :man_health_worker:t2: :woman_health_worker:t2: