身體色素沉澱

近幾個月發現自己胸部對上,腋下側邊(唔太識形容呢個部位:sweat_smile:)變到黑左一撻,比附近嘅皮膚,甚至腋下更加黑。個顏色有啲似曬黑咗咁,但係呢個位正路係唔會曬到。試過搽左一排美白嘅精華、去角質都改善唔到,請問點解會零零舍舍黑咗?可以點解決?謝謝

你好呀Alice!你可以試下回想下會唔會曾經有撞傷或者係發生咗啲乜事之後就突然變黑咗?其實腋下變黑嘅原因都有好多架,有啲人係因為衣物嘅摩擦,平時著啲好緊身嘅衣物或者較bra帶較得好緊,不斷磨擦,皮膚為咗保護自己而產生黑色素。可以做嘅嘢就係盡量著鬆身嘅衣物同埋較鬆啲bra帶,令衣物同身體嘅磨擦減少。又或者可以搽一啲潤膚乳去減少摩擦嘅機會。身體上有皺摺嘅地方都可能會出現咁嘅情況嘅,但係呢種情況有機會都係遺傳嘅。 :relaxed: