唔知會唔會有左

平時月經周期大約31-35日,上次8/4開始嚟m,16/4冇戴套有Sex但冇射(插左幾吓),到依家16/5都未嚟m,今日啱啱用clearblue棒(普通版,唔係digital)驗過冇懷孕,但keep住唔係好舒服,唔知呢個時間驗準唔準?會唔會有咗但未check到?如

一般係性行為11日後或預計月經日子驗孕結果已經會好準確,最快更加可以係性行為7日後得到初步結果。雖然無套+無射精嘅性行為一樣有風險,但距離16/4嘅性行為已經30日,你今日驗孕嘅結果係相當準確嘅,係無懷孕唔使擔心。如果擔心的話,可以買多一支去確保結果,記住要睇清楚說明書嘅指示去沾濕尿液同埋係指定嘅時間之內觀察結果呀。

而由8/4起計至今已經39日,雖然比起你一向嘅31-35日稍為長做少少,但日子上差距唔係太多,加上月經可以被唔同嘅外在內在因素影響都,即使未嚟m都需要太擔心呀。

你提到覺得有啲唔舒服,係點樣嘅唔舒服?係感冒個啲定係覺得下體有不適?如果唔舒服感覺持續,盡早求醫都係比較好嘅決定。因為唔同嘅病症都有機會影響到月經嘅,即使只係感冒一樣對身體及荷爾蒙分泌有一定影響,所以及早知道係咩事再對症下藥會好啲呀!

唔該你吖,我仲以為我驗個陣唔係用晨尿所以會唔準。唔舒服方面係早幾日一直都有想嚟m嘅感覺(胸腫痛,少少下腹痛),但冇之前嚟m感覺咁强烈,腸胃有d敏感,成日頂住頂住,一食嘢又會有d想嘔,但依家又突然間冇哂胸痛個d,淨係個腹部有d下墜嘅感覺,又食得落好多野咁,有冇機會都係因為就嚟嚟m? 同埋唔知會唔會就嚟考試搞到經期亂咗?如果一直唔黎大約幾耐應該去睇醫生?thanks a lot!

一般月經就快黎嘅徵兆,包括乳房脹痛、頭痛(有時伴隨嘔心、嘔吐嘅情況)、情緒起伏等。同你形容嘅唔舒服情況都相似,如果唔舒服嘅情況無繼續持續出現,咁都可以放心 :relaxed: :blush: 不過以上所提及嘅徵兆,都未必係喺每一個女性嘅身上都會發生。即使身體無出現以上徵兆,都唔等於月經唔會黎~

你所形容嘅徵狀,除左同月經就快黎嘅徵兆相似,亦有機會係因為腸胃炎、生病、壓力過大等嘅原因所導致嘅。如果不適嘅情況有持續,令你覺得困擾同唔舒服的話,都建議去睇睇醫生啊 :wink: :woman_health_worker:t2: :man_health_worker:t2:

情緒起伏、壓力過大等、生活作息有變動等,都係月經來遲嘅原因。所以都有機會係因為考試就快到,你訓少左/遲左,或者最近溫書壓力變大,都會影響你嘅月經週期啊 :blush: 只要你之後生活作息變得穩定,情緒壓力平復番,咁月經週期都會變番穩定。

有部分女性可能最長遲兩日就會黎月經,亦有少部分嘅女性可能偶爾會出現遲1個月先黎月經嘅情況,所以我地都無辦法比一個確實嘅時間,話你知月經遲幾多日就應該去睇醫生 :blush: 不過其實只要你驗孕結果係顯示無懷孕的話,咁都唔需要太擔心住啊~ :relaxed: