會唔會中招

男朋友射咗入我個口,之後跟住我啲口水流出嚟hi到下體,會唔會甘樣就有左

精液進入口腔內之後,精子存活率會唔會降低,暫時都未有一個明確嘅數字。有研究就指出過大量嘅口水,係有機會稍微降低精子嘅存活率,所以都未能確定精子再透過你嘅口水流番出黎嘅時候,係咪唔會導致懷孕 :thinking:

不過都可以留意番,因為過程中,精子只係隨口水流出黎,除非真係有好大量口水,令精子能夠隨口水直接流到陰道附近,並進入陰道口內的話,否則懷孕嘅機會都係好細嘅。因為好大機會口水流落去身體部份嘅時候,口水已經接觸到空氣,開始慢慢乾透,令精子失去活動能力,存活率下降,未能導致懷孕 :blush: :blush: 所以都無需太擔心嘅。

但係要注意番,如果你口腔內係有傷口的話,性病病毒係能夠透過對方精液同你口腔內傷口嘅接觸,進入你嘅身體,令你感染性病。所以口交嘅時候,都建議使用番口交膜,降低性病傳播風險 :wink: 或者同男朋友關係穩定,亦係彼此單一性伴侶的話,都建議一齊做個性病檢測,兩個人都無感染性病的話,咁就可以比較放心,去進行精液直接接觸口腔嘅性行為啦 :blush: :smiling_face_with_three_hearts: