避孕藥話題

有穩定男友及固定發生性行為,過程亦有照足安全step全程戴,若如此危險期內懷孕風險是否很高?想請問只靠避孕套是否足夠?避孕藥若想長期避孕是否要吃到更年期為止?:worried:

睇番數據,第一年使用安全套呢種避孕方法後,意外懷孕機會為2%(perfect use,完全正確使用),同埋18%(typical use,一般使用) :relaxed: :wink: 因此,如果整個過程都有用正確方法戴好安全套,即使係危險期內發生性行為,都可以放心啊,因為本身只使用安全套嘅懷孕風險都係算低嘅~ :relaxed:

不過當然你好擔心依然會有懷孕風險的話,都可以選擇配合埋避孕藥一齊使用,咁懷孕嘅風險就會更低 :blush: 研究指出,如果係同時使用安全套,同埋避孕藥,並兩者都係perfect use的話,避孕率係能夠達到99.99%。

而如果只服用避孕藥的話,第一年使用避孕藥呢種避孕方法後,意外懷孕機會就係0.3%(perfect use,完全正確使用),同埋9%(typical use,一般使用)。所以你都可以因應自己嘅情況,選擇未來只用安全套/避孕藥,或者兩樣同時使用 :blush: 覺得避孕藥要持續定時服藥,比較麻煩的話,都可以選擇打避孕針,咁就每一個月/每三個月補打一次,視乎醫生建議嘅避孕針種類。

避孕藥方面,如果你停止服藥之後,避孕嘅藥效就會消失。當然,停止服用過一段時間之後,都可以重新開始服用,不過藥效需要時間再重新建立 :blush: :wink: 所以,你可以視乎自己嘅需要,或者生育計劃,去選擇服用/暫停服用避孕藥。到左某D人生階段,你覺得自己已經無咩生育打算,亦都可以選擇轉用其他嘅避孕方式,例如使用子宮環 :grinning:

最後少少提醒,因為每個人嘅體質都唔一樣,如果服用唔適合嘅避孕藥,有機會令身體出現嚴重嘅副作用。所以記得開始服用避孕藥之前,建議先睇家計會醫生/其他婦科醫生,進行一次諮詢 :woman_health_worker:t2: :man_health_worker:t2:,睇下你嘅體質同埋生活習慣,係咪適合服用避孕藥,或者適合服用邊一隻牌子/種類嘅避孕藥 :relaxed: :blush:

謝謝回答,但見到數據只有第一年,想請問咁年數增加個懷孕機率會受到影響嗎?謝謝

避孕成效嘅數據只顯示第一年使用係因為初次使用時會有較多因素影響到措施嘅成效。以事前避孕藥為例,初時服用可能會因為未習慣每日服藥而漏服,或者因為身體未適應藥效而出現輕微嘔吐及腹瀉嘅情況,因而減低避孕藥嘅效用。而持續服食避孕藥超過一年後,身體已經習慣每日定時食藥,而初時服藥帶黎嘅副作用亦都已經無出現,所以避孕成效會比第一年服用嘅時候高架:blush: