會唔會有左?

上次黎m係4月18日, 黎m期間發生過一次冇保護措施既性行為(但冇中出),嗰次之後次次都有戴套做(冇穿)
呢段時期驗過4次孕,分別係4月28日,4月30日,5月2日同埋5月16日,全部都negative
雖然平時黎m都唔準,但今次真係遲左好多(一個星期)
朋友話有可能係抗生素影響到(4月29日開始食,食我左一個星期), 請問關有唔關事?
近兩三日有胸脹痛,係咪谷m定有左? 同時亦不停咁嗝氣
唔該曬各位

你好呀~ @ihaveaquestion :wave:t2:

其實係嚟M期間發生無使用避孕措施嘅性行為都有懷孕嘅風險架,雖然你無係體內射精,但係男性陰莖勃起嘅時候,會流出透明嘅尿道球腺液,裡面會含有少量嘅精子,只要有一粒精子同卵子結合到,就會有懷孕嘅風險架啦。 :pleading_face:

正常嚟講你4月30日驗孕嘅結果已經準確架啦,因為驗孕棒係性行為後11日去驗個結果已經係可信架啦。而你之後幾次都有戴安全套去避孕,咁懷孕嘅風險其實好低嘅。 :relaxed:

正如你所講啦,平時嚟M嘅時間都唔準確,因此呢次會遲啲都唔出奇嘅,而影響月經週期嘅因素其實有好多,例如生活作息唔穩定、情緒壓力大、有服用其他藥物等,好似你咁,食緊抗生素,真係都有機會影響到嚟M嘅日子。 :cowboy_hat_face:

抗生素係其中一種常見會對月經造成影響嘅藥物,加上你平時月經唔準,所以月經週期嘅日子都只係你大概估計,加上驗咗幾次都係無事就唔駛擔心啦。 :laughing:

至於胸脹痛嘅情況,係月經就到嘅時候都有機會有胸部脹痛,下腹疼痛嘅情況架,所以唔洗特別擔心架。 :relaxed:

你已經驗咗幾次孕,結果都係無懷孕,因此懷孕嘅風險比較低,而有好多原因都會導致嗝氣嘅,有機會係身體有唔舒服,例如胃氣或者其他情況,亦都有可能係因為你食咗抗生素引致,可能要搵返開要俾你嘅醫生檢查下比較好。 :wink: