隔住衣物摩擦

Hello​:slight_smile:,請問女方著住打底褲加底褲,男方都著住底褲去隔住磨擦,係咪一定唔會懷孕?
(男方無射到) thank you​:slight_smile:

你好呀 @alice :wave:t2:

其實咁樣係無懷孕嘅風險嘅。基本上要懷孕嘅話係要有性器官嘅直接接觸,你嘅情況係雙方都隔著底褲摩擦,就算男性勃起嘅時候分泌咗啲透明液體,即係尿道球腺液,雖然裡面含有少量嘅精子,但係底褲已經吸收曬啲液體,再加上精子非常脆弱,當接觸到其他物質之後,好快就會因為無曬水分同養分而死亡,因此唔洗擔心架,並無懷孕風險。 :wink:

hello @Kaleo_StickyRiceLove 多謝你嘅解答呀 ~ 我有多一個問題想問下,我大概個幾星期前,有一次白帶有少少血絲:confounded:,想知點解會咁樣嘅?嗰次之後就冇,除左有一日啲白帶多到好誇張!同埋我月經正常會喺呢幾日黎,但係佢仲未黎呢:cry:

如果白帶內有少少血絲嘅情況,只係持續左1-2日時間咁無需太擔心嘅。因為有時有血絲嘅原因,可能係因為排卵期出血,又或者自慰/指交/其他性行為過程間,性器官摩擦得太激烈/指甲刮傷到陰道內嘅黏膜組織,導致有少量出血嘅情況 :blush:

有時接近排卵期期間,白帶嘅量都會較平日多,都無需太擔心~

不過如果白帶內含有血絲嘅情況持續,或者伴隨有分泌物異味/下體痕癢嘅情況,咁就要記得及早求醫,了解出現呢D情況嘅原因啦 :wink: :woman_health_worker:t2: :man_health_worker:t2:

月經來遲嘅原因都有好多啊~ 有時生活作息唔定時、飲食唔均衡、情緒有起伏、壓力過大、最近有生病服用過藥物(特別係抗生素)等因素,都會影響到月經黎遲左。如果只係遲左幾日,都無需太擔心住啊 :relaxed: