求救!好擔心會唔會有左。。。

我平時黎m都算準 上次黎係五月6號 同男朋友係今個月5月25號有性行為 有用套有內射 我自己無留意有無穿 衣幾日子宮開始有啲痛 唔知係米性行為太緊張太激拉到肌肉定就黎黎m 下個月黎m應該係6月8號到
因為係危險期發生性行為 所以好擔心會唔會有左 。。。特別係子宮有啲痛 扯住咁 開始擔心 定係 心理壓力。。。

同埋係插入式性行為

你好呀 @wwwwwwww :wave:t2:

其實有正確使用安全套嘅話,基本上你懷孕嘅風險都係比較低嘅。如果你擔心嘅話,都可以去買驗孕棒驗下睇下你有無懷孕嘅,驗孕棒最好嘅使用時間會係性行為後11日或者預計月經嚟嘅時間,你可以係6月5日嘅時候去驗,記住係驗之前睇說明書,同埋係指定嘅時間內去睇結果呀。 :relaxed:

至於你話下腹痛,都想知道你痛嘅感覺係咪性行為之後就開始?如果係性行為之後開始痛嘅話,都有機會係性行為嘅動作太刺激,或者撞擊力比較大都會引致疼痛嘅。建議你下次都可以同對方溝通返,可能之前嘅體位對你嚟講刺激角度唔係咁好,商量下用返一個雙方都比較舒服嘅姿勢,咁樣就唔會再有痛嘅情況架啦。又或者可以用返多啲潤滑劑,令摩擦力減少啲,咁樣肌肉就唔會咁緊張啦。另外,其實下腹痛都係月經嚟之前常見嘅症狀,基本上都唔洗特別擔心。 :wink:

其實無論危險期定安全期都有機會懷孕嘅,因為計算安全期唔係一個有效嘅避孕方法,每個人排卵嘅時間都唔一樣,尤其係週期比較短嘅女性,嚟咗M都有機會已經排咗卵,所以都唔能夠單靠日子上去避孕,因此係安全期期間都有懷孕嘅風險架。 :nerd_face:

係啊個痛係性行為之後發生 子宮係咁抽痛咁 好自然地就好擔心會唔會有啲咩事

同埋都痛左好幾日耐 都有5 日了

如果性行為後就馬上/翌日已經開始覺得痛,就絕對係同懷孕無關係嘅,因為一般精子又進入體內直到受精著床都需要大概6-9日,有部份女性係著床時會感覺到一刻疼痛,不過你係性行為後就馬上開始覺得痛,加上係持續地痛,所以可以排除係同懷孕有關係。

如果呢種子宮抽搐痛楚只係性行為後發生的話,比較大機會係因為性行為期間嘅動作太劇烈而刺激到陰道內嘅肌肉同埋子宮頸附近嘅位置,亦有機會係因為骨盆肌肉收縮而引起嘅痛楚。另外如果你哋係使用面對面嘅體位性交,抽插時都好常會撞擊到恥骨嘅位置,令到附近肌肉收縮,因為呢個位置都接近子宮,有時個感覺都會似係子宮收縮痛。可以回想一下性行為過程之中有無邊個體位有令你覺得有啲「怨怨」痛嘅感覺或者覺得撞擊感特別大,下次試下避免同一個體位,睇下情況有無改善。

不過一般呢啲不適都會係短期恢復,你而家已經痛咗5日,可以試下同熱水袋暖敷令附近肌肉放鬆睇下會唔會令你舒服啲。如果疼痛仍然持續,可以考慮去睇醫生檢查會唔會係婦科疾病例如子宮發炎等等。不過發炎通常都會伴隨分泌物異常等嘅徵狀,如果你無出現的話都無需要太擔心呀。

我嘅胸部係性行為之後五/六日開始漲痛 會唔會係懷孕徵兆 定係黎M (我仲有一個禮拜先黎 :frowning:

乳房腫脹月經就快黎嘅其中一個徵兆 :blush:

正如 @Kaleo_StickyRiceLove 同埋 @Kitty_StickyRiceLove 所講,如果有正確有使用安全套的話,其實懷孕風險係好低 :relaxed: 受精卵著床亦需要大約6-9日,受精卵著床後,身體亦需要一段時間,體內嘅荷爾蒙先會出現變化,從而出現懷孕徵兆。所以性行為後5-6日就出現嘅乳房脹痛感覺,就相信同懷孕無關啦 :blush: 懷孕嘅徵狀,一般唔會咁快就出現到啊~

咁所以撇除懷孕會導致乳房脹痛嘅原因,相信你嘅情況應該就係同月經就快黎有關,加上呢幾日亦都接近你下次月經預計黎嘅日子,無需太擔心。

依然都係真係好擔心懷孕的話,可以性行為11日後驗孕,結果到時候都係較可靠同埋準確啊 :blush:

乳房痛左差唔多一個星期 好似越來越脹同痛 咁仲敏感左。。。反而子宮好似冇咩再痛。。。應該估計仲有兩日到就應該黎m 。。。加上問左男朋友佢話當時有睇到冇漏。。。係米應該唔會係懷孕。。。仲係好擔心咁。。。

我見你開咗新post,我係新post答返你啦~ :laughing: