食左六個月避孕藥之後，因為副作用太大所以停左藥，經常有腳痺同埋經常肚脹。停藥之後都有腹痛同肚脹，咁係咪係停藥副作用？同埋腳痺係咪唔啱繼續食避孕藥。睇電話話我呢排排卵，我見有分泌物係咪恢復左排卵？
Hello @lalalalala，想了解一下，你服用呢款避孕藥之前，有無諮詢過醫生建議？同埋經常腳痺同埋經常肚脹嘅情況，係有幾時開始？有無同醫生反映過？ 
而停藥之後，腹痛同肚脹到依家大概持續左幾耐？
如果一直都係無同醫生反映過的話，都建議帶埋服用開嘅避孕藥牌子，去睇一睇醫生先
因為每一個牌子、每一款避孕藥，內含嘅荷爾蒙劑量都唔同，未必適合每一位女性服用，隨便服用的話，有機會導致身體出現嚴重嘅副作用。加上亦唔係每一位女性，都適合透過服用荷爾蒙避孕藥去進行避孕。因此，第一次服用嘅時候，醫生一般會因應你嘅體質，去建議比較合適嘅避孕藥牌子及款式。而睇家計會醫生的話，服用一個月之後，醫生應該都會叫你覆診一次，了解避孕藥對你身體出現嘅影響及副作用，睇睇有無需要轉用其他避孕藥，或者需要停藥
腳痺一般都屬於比較嚴重嘅副作用，不過因為腳痺有好多原因可以導致，當中有部分係因為藥物引起嘅，所以暫時都未能單憑文字好確實咁話你知，你嘅情況係咩原因引起 
所以遇到咁嘅情況，都建議你盡快求醫，詳細情況，要等醫生檢查過，先判斷到導致腳痺嘅原因
一般避孕藥停藥後，副作用會隨住停藥而逐步消失，大約3個月後完全消失。如果已經過左三個月，你所提及嘅副作用情況依然出現，都要去睇醫生了解原因啊
因為見你之前服用避孕藥都有出現比較明顯及嚴重嘅副作用，如果你未來有意欲服用番避孕藥，都建議你睇醫生檢查多次，睇睇本身體質係咪適合服用避孕藥，或者咩牌子及款式嘅避孕藥比較適合你 建議可以考慮去家計會，睇醫生做一次諮詢先 
雖然私家診所都可以諮詢到自己係咪適合服用避孕藥，不過家計會嘅服務同埋檢查就會比一般診所較完善同埋詳盡，醫生意見亦會比較多（例如透過問你個人病歷，幫你度高磅重，從而推薦適合你嘅避孕藥等等）。
詳情可以留意番以下家計會嘅網頁：
（26歲或以上，或已婚女性） 
節育指導診所
（26歲以下未婚女性） 青少年保健
而分泌物方面，想了解係大概係咩顏色／質感？因為單憑「分泌物」，我地都好難判斷係咪因為恢復排卵所出現嘅 
有多D資訊，就有助我地一起分析出現嘅原因～
平時都有去家計會配藥，係食第六個月腳痺同小腿水腫嚴重左，可能個排成日坐，本身食開yaz轉過輕樂偶個牌子，停藥之後一兩個星期都有肚腹同腹痛，而分泌物初初停藥黃綠鼻涕色，而家係白色黏黏地咁。
係透明黏液先啱
想了解下當服用避孕藥第六個月，腳痺同小腿水腫變得嚴重嘅時候，有無同醫生講？ 因為如果服用避孕藥期間，有出現比較嚴重嘅副作用嘅時候，都需要儘快搵番醫生覆診，了解出現嚴重副作用嘅原因 
特別係留意到你嘅腳痺同小腿水腫問題，呢段期間係有特別嚴重左，情況係比較唔尋常。加上初期停藥時，分泌物係呈黃綠鼻涕色，亦係屬於唔正常嘅分泌物。當時出現呢種分泌物嘅時候，有無出現其他徵狀？例如下體有無感到痕癢，或者分泌物出現異味？
綜合以上嘅情況，當時身體狀況係有出現到一個突然嘅轉變（腳痺、小腿水腫問題變得嚴重），而停止服用避孕藥之後，分泌物亦有出現異常（呈黃綠色），並唔係一個健康嘅情況。所以即使依家分泌都變得比較正常（呈透明黏狀），都建議你儘快求醫，做番個檢查，了解番身體之前經歷左D咩嘅情況，或者會唔會其實某D身體部位到依家依然有問題出現 可以選擇睇番家計會醫生，或者睇其他婦科醫生都可以 因為都擔心當時可能係身體某部位出現問題／徵狀，導致你之前服用開嘅避孕藥突然出現比較嚴重嘅副作用。
分泌方面，除左係透明、黏黏地之外，有無其他異味／下體有無覺得痕癢？如果都無的話，咁分泌物嘅情況都係正常嘅，因為日常嘅女性分泌物都係偏白／透明，有少少黏度 而比較接近排卵期嘅時候，亦會分泌得比較多或者明顯。不過即使唔係排卵期，日常女性都會分泌一定數量嘅分泌物，無需太擔心
上次去家計會配藥有揾到醫生檢查，醫生檢查過後話無乜野，但之後都打算去診所檢查。前排黃綠色分泌物又無屙尿覺得痛或者其他異樣，但呢幾日胸腹同下腹痛關唔關停藥事，最後一次性行為係食緊廿八粒藥最尾個四粒白色無效藥，咁食緊白色無效藥仲會唔會有避孕藥效果。多謝你咁詳細回覆先。
服用白色無藥性藥丸期間避孕嘅效力係依然持續嘅。至於你提到依幾日出現胸腹同下腹痛嘅情況，因為有機會受好多唔同嘅因素影響，所以都建議你去診所做一個詳細嘅身體檢查。而且雖然之前檢查嘅時候醫生話你嘅身體無咩大礙，而且你嘅尿道同陰部暫時無任何不適，但係好似 @Sze_StickyRiceLove 咁講女性分泌物呈黃綠色表示身體並唔係一個健康嘅狀態，所以建議你及早做個詳細嘅身體檢查了解返身體狀況