幾時驗孕最好? 好擔心懷孕 會唔會有事。。。

我10日前(25/5)同男朋友發生過插入性性行為 有戴套 男朋友檢查過冇漏 當時應該係排卵期
個日之後開始就出現子宮抽痛同乳房痛 仲好似越來越痛同敏感 特別係乳頭

一向經期都算準(大概31-33日) 預計仲有大概兩日就黎m (上一次係6/5)好擔心係米懷孕 特別係仲有個啲症狀 但係除左個啲之外就冇其他特別唔舒服 冇噁心個啲 唔知道係米因為太擔心 有心理作用定係 真系懷孕? 到依家都係好擔心。。。

今日4/6 早上用晨尿驗過孕 出現一條線 聽日會再驗 好擔心。。。聽日會唔會再準啲? 如果都係一條線係米就肯定冇懷孕???衣段時間係咁上網睇唔同網站 搞到自己越來越擔心。。。

你好呀~ @wwwwwwww :wave:t2: :wave:t2: :wave:t2:

如果正確咁使用安全套,同埋我見你都話檢查過無漏嘅話,其實宦允嘅風險好低架。至於你話有「子宮抽痛同乳房痛」,其實係性行為嘅過程中會刺激到陰道內嘅肌肉同埋子宮頸附近嘅位置,當撞擊力比較大或者用啲體位比較激烈嘅時候,都會引致疼痛嘅,亦有可能係喺性交嘅過程中撞擊到恥骨嘅位置,令附近肌肉收縮而引致痛楚,通常都會喺幾日內就恢復,見你都痛咗成兩個禮拜,其實要去睇醫生檢查下會唔會有發炎或者陰道內受傷嘅情況。 :pleading_face:

聽日就係你25/5性行為後11日,基本上你都可以再驗多一次嘅,個結果都可信架啦。好似你咁講呀,其實焦慮或者擔心都真係會影響身體嘅狀況,包括月經嘅週期。我知道無論我地點講都好,你都會繼續擔心,直到真係嚟M嘅果一日,但係其實你地有戴套,懷孕嘅風險真係好低架。我明白好擔心好擔心嘅時候會不斷咁上網睇唔同網站,你可以睇到好多嘅資訊,我都好好奇想知道,你期望搵到啲咩嘅資訊架?係確認你無懷孕?定係確定你有懷孕呀?而其他人嘅情況係咪同你嘅情況100%吻合? :face_with_monocle:

驗孕棒係一個科學實證去檢查你究竟有無懷孕,記住要相信驗孕嘅結果同埋設立一個期限俾自己,例如我驗幾多次我就確定自己無懷孕啦,定咗呢個期限,就好好遵守佢啦。

希望聽日嘅驗孕結果會令你安心啦。

真係唔該曬你地啊!
我今朝有用clear blue plus 驗孕 顯示冇懷孕 但係之後我去廁所發現紙巾上面有血 衣個代表我就黎黎M 定係係點…好擔心…我係app個到預測係聽日黎M架…

唔洗客氣~ :wink:

如果你有正確咁使用驗孕棒,其實呢個結果都準確架啦。月經嘅週期受到好多因素影響,例如生活習慣嘅改變,早訓遲訓,有無食其他藥物等等,因此都唔一定同個app計算嘅日子一樣架。 :thinking:

App只係用嚟輔助你去睇自己有無懷孕嘅工具,都係用你過往週期嘅平均值或者佢指定嘅週期嚟幫你及返嚟M嘅日子,而個app話聽日嚟M,今日嚟咗,都算係準確架啦。 :relaxed:

不過最緊要係你個驗孕結果係顯示無懷孕,咁就唔洗擔心啦~ :blush: