請問咁樣會唔會有可能有BB?

上次嚟M係5月9號,喺5月20 21號嘅時候我哋都有喺出面磨磨下,但冇插入,有一刻佢係喺我個陰道口到磨擦,途中冇帶套。本身預計應該係今日嚟M,但係仲未嚟有啲擔心。唔該晒!

你好呀~ @Sandy :wave:t2:

見到你話對方用陰莖係你陰道口磨擦,如果真係陰莖真係有對準陰道口嘅話,男性陰莖勃起時分泌嘅尿道球腺液裡面都會有少量精液,只要有一粒精子進入到陰道,就有懷孕嘅風險架啦。 :pleading_face:

建議你下次即使係性器官磨擦,都應該戴上安全套呀,因為安全套係唯一一樣可以防止感染性病嘅避孕方法嚟架:nerd_face:

如果你擔心嘅話,其實可以去買驗孕棒驗下,性行為後嘅11日或者預計嚟月經嘅日子驗嘅話,其實個結果都準確架啦,你可以去一啲個人護理商店或者藥方買驗孕棒,最平都係大概$30左右,唔算太貴,可以令自己安心。 :blush:

今日夜晚用左驗孕紙一條線,諗住聽日再試多次,thankyou so much​:pleading_face:

唔好意思因為依家都未嚟m,請問兩次既測試結果都係一條線就一定安全?

如果你有跟返說明書嘅方法去驗,同埋有係指定時間內去睇結果嘅話,都唔洗驗兩次嘅,呢個結果都可信架啦,唔洗擔心。 :nerd_face: