成日好攰咁 好驚自己有bb

17/5到22/5 係last period
26/5有同男朋友做 一次有戴套 但冇射 做完抹乾淨之後 又冇套咁插左幾下
29/5 做多次 有套 冇射

呢幾日又流鼻水好似作感冒咁
十點幾就一定要訓
成日好攰咁
男朋友都話唔係好舒服
我唔知係佢傳染比我定真係出事
唔知自己心理作用定點 個肚漲漲哋咁 有時有啲刺痛 但本身我成日都會咁痛法
前幾日又好似作嘔咁 但又嘔唔出 呢幾日又好似冇

2/6開始多分泌物 由黏稠到今日水水哋
計翻嗰兩次應該都係安全期
但我都係好驚 有冇人可以盡快答我:sob:

你好呀 @jessicac :wave:t2: :wave:t2: :wave:t2:

你話26/5做完抹乾淨之後,冇套咁插左幾下,其實咁樣係幾高風險嘅行為嚟,因為男性係射精之後,尿道依然會殘留少許精液,當陰莖插入陰道嘅時候,不斷抽插,會將剩餘嘅精液擠出,流入陰道內,導致有懷孕嘅風險。 :pleading_face:

至於你話分泌物嘅情況,其實生活習慣嘅轉變、遲咗訓覺、擔心或者焦慮等等嘅情況,或者好似你咁有感冒嘅情況,都會導致分泌會呈現唔同嘅狀態,同係咪懷孕未必有直接嘅關係。 :thinking:

你話有作嘔嘅情況,可能擔心係咪孕吐,但其實孕吐唔係每一個孕婦都會出現嘅,而距離你對上一次嘅有風險嘅性行為都只係兩個禮拜左右,一啲懷孕嘅症狀未必會咁快就出現架,你擔心意外懷孕嘅話,最好最科學嘅方法就係去驗孕架啦,可以係對上一次性行為11日後或者月經預計嚟嘅日子買驗孕棒嚟驗孕,個結果都可信架啦。以5月26日果次嚟計,你可以6月6號就去驗孕;29號果次嘅話,你可以係9/6嘅時候買驗孕棒測試。 :white_check_mark:

計算安全期唔係一個有效嘅避孕方法,每個人排卵嘅時間都唔一樣,尤其係週期比較短嘅女性,嚟咗M都有機會已經排咗卵,所以都唔能夠單靠日子上去避孕,因此係安全期期間都有懷孕嘅風險架。 :persevere:

依家你有作嘔或者感冒嘅感覺,同埋你長期肚痛嘅情況,都係建議你去睇醫生檢查下,有機會係其他未發現嘅情況。 :wink: