好擔心會5會有咗

黎M黎咗5日,之後個日仲有啲血水(啡啡哋色),
係黎M個陣有做愛冇戴套,我想問下會5會係有咗:pleading_face:
好擔心:woman_facepalming:t4:

想了解番係咪即係月經第六日嘅時候發生性行為? :blush: 係幾多號發生嘅事?希望可以有更多嘅資訊,去評估懷孕嘅風險高唔高,同埋可以依家可以做到D咩。

睇番你之前嘅發文,都有曾經問過月經期間發生性行為會唔會導致懷孕,當時 @Ana_StickyRiceLove 亦有回覆過

如果你向來月經週期唔太穩定的話,月經期間發生性行為亦無用到安全套,其實係有懷孕風險嘅 :pensive: 好似之前 @Ana_StickyRiceLove 嘅回覆一樣,都係建議番如果依家係性行為發生後120小時內的話,可以考慮服用事後丸。因為事後丸係醫生處方藥物,可以去家計會、私家診所睇醫生,同醫生講番你嘅情況,再比藥你 :blush:

如果依家係性行為發生後已經過左120小時的話,就建議性行為11日後去進行驗孕,到時嘅結果會較可靠同埋準確。因為一般受精卵著床需要6-9日,所以好擔心的話,性行為7日後已經可以有一個初步結果 :blush: :relaxed:

同埋最後都提醒一次,留意到今次都唔係第一次月經期間發生唔安全嘅性行為,要記得即使係月經期間發生性行為,只要無戴安全套/進行外射都係有懷孕風險嘅,亦無辦法降低性病傳播風險。與其每一次都咁心掛掛,都建議未來每一次性行為,不論係咩日子,整個過程都戴番安全套,咁就放心得多啦 :wink: