好擔心自己會有性病同愛滋

我前幾日約咗個男網友做,其間佢有口交,但我有戴安全套。之後大家互相冇用安全套打同埋我有幫佢指交。事後先知佢有原發性免疫缺陷病,我會唔會因為咁而中照?我真係好擔心

我知道性病係有空窗期,但我真係好想快啲知道自己有冇出事

Hello @Rythr,因為文字上有提及過你有戴安全套,而雙方都有為對方手交(打飛機),所以都想釐清番係咪男男性接觸者 :relaxed: :blush: 因為都會影響到我地之後回覆嘅內容,及我地建議嘅服務。以下嘅回覆,我地暫時假設你係男男性接觸者先 :wink: 如果有理解錯誤的話,再話我地知~

首先口交期間,有隔住安全套的話,性病病毒傳播到嘅機會係好微嘅,可以放心先 :blush: 而互相幫對方手交,及你幫對方指交期間,如果彼此雙手都無明顯嘅傷口,咁病毒都較難透過損口去進入你嘅體內 :wink: 不過要留意番肛門內嘅黏膜組織比較脆弱,如果指交期間摩擦力太大,或者指甲較長的話,都有機會擦傷。呢個時候,如果剛好手指有傷口,咁就比較有機會傳播到性病病毒 :blush:

整體黎講,呢次性行為會傳播到性病病毒嘅機會都係比較細,可以放心先嘅 :heartbeat: 好擔心的話,最快可以性行為7日後,去化驗所進行愛滋病病毒 RNA PCR檢測,一般大概2個工作天後就收到結果,但係呢個檢測會相對昂貴。其他機構(例如關懷愛滋、香港愛滋病基金會、再思社區健康組織)嘅愛滋病免費快速測試,及衛生署社會衛生科嘅性病測試,因為愛滋病病毒嘅空窗期係3個月,所以一般最快係需要性行為3個月後,先可以幫你做到測試。

你提及過男網友患有原發性免疫缺陷病(primary immunodeficiency diseases, PID),就我地對呢種病嘅了解,係代表患者本身嘅免疫系統會較弱,可能係對某一種病毒/病菌較無抵抗力,較容易感染到該種病毒/病菌,或者有較嚴重嘅併發症,但原則上呢個病係唔會傳染到去他人身上。因為係病人天生免疫系統出現問題,而唔係因為一種病毒令佢患有呢一個病,所以係唔會透過性交令你感染呢個病。而有原發性免疫缺陷病,亦唔代表對方係感染到性病。

有興趣了解多D 原發性免疫缺陷病(PID)呢個病的話,都可以睇睇呢個網頁 :blush:
《Primary Immunodeficiency League 勉逆歷》
http://paed.hku.hk/apsid/pidl/about_pid/index.html

加上上文提及到呢次嘅性行為嘅性病傳播風險係好低,所以都可以放心嘅 :blush: 如果你依然好擔心有無機會受到感染的話,都建議可以直接詢問對方有無感染到性病啊 :blush: :relaxed: 因為既然對方願意同你分享佢係患有原發性免疫缺陷病,咁相信都唔會太介意同你分享佢有無感染到/感染過性病。

未來同其他對象指交嘅時候,都可以考慮使用指險套(findom),咁就一方面比較衛生,另一方面都可以進一步降低性病傳播風險啦 :relaxed: :wink:

其實我幫佢指交,我見到有少量嘅血,所以我驚刮傷咗佢,雖然我隻手冇傷痕,但我好驚自己因為咁而中照

如果當下你嘅手指係無傷口的話,咁受到感染嘅機會都係好低嘅,可以放心 :blush: 因為性病病毒傳播一般都需要有一個明顯嘅損口,咁病毒先可以透過體液及損口,進入到體內啊~

多謝你嘅意見,但安全起見我都會做病毒測試。今次絕對對我而言係一場教訓。因為其實我係bisexual ,我仲未知自己性取向。我鐘意女仔又鍾意男仔,但加下因為前女友出去偷食令我傷心先想約男仔做。但換來就係三個月嘅惡夢

其實無論係咩性取向,或者同邊一個對象發生性行為,做好安全措施都係一樣咁緊要啊 :blush:

呢三個月期間,如果有好唔開心、好擔心或者覺得好煎熬嘅時候,或者有其他疑問,都歡迎你搵我地傾訴,我地一直都在 :relaxed: :heartbeat: