試過冇套係陰道出面磨，或者淨入頭頭一小段
但冇射過 甚至用套嗰陣都冇射
上次01/05黎m 但今次到今日（10/06）都未黎
8號用晨尿驗左次萬寧牌 得c位一條線
最近都夜瞓 試過0800先瞓 平均都要0500先瞓到
但以前都係0400 0200瞓；-；)都有m
不過m期都亂開
呢一個月內都有飲涼茶食西瓜 量唔少
但其實由1號起一直有黎m嘅感覺
M痛、腳軟、食慾低、暗瘡都有 而且感覺幾強烈下
但連少少血絲都冇QAQ
我會唔會都仲係大機會有BB；-；
Hello~ 首先想你知道陰莖受刺激嘅時候通常會自動分泌一啲透明而黏黏地嘅液體，叫做尿道球腺液，當中都含有少量精子嘅，所以如果係無採用任何有效避孕方法嘅情況下，即使陰莖只係短時間插入陰道，亦都有懷孕嘅機會嘅。
至於月經遲黎其實係有好多唔同嘅因素影響嘅，例如生活習慣改變、心理壓力大、生病服食過藥物、長期處於擔心嘅狀態等等。所以月經遲黎都唔一定等於懷孕嘅。如果擔心有懷孕嘅機會嘅話，可以去買驗孕棒check下，驗孕棒最早可以喺性行為嘅7日後驗出初步結果，而喺性行為嘅11日後驗出嘅結果就係非常準確嘅，所以你可以按照你對上一次無採用避孕方法嘅性行為嘅日子去計算返驗孕有效嘅日子。你可以買一、兩個牌子嘅驗孕棒黎驗，記住按照說明書嘅指示進行驗孕，如果兩個結果都係陰性嘅話就係無懷孕啦 
最後，如果暫時未有生育嘅計劃嘅話，建議你地每次進行插入式性行為嘅時候都採用返有效嘅避孕方法，咁之後就唔洗心掛掛啦 
1個讚
補充少少，見你提到有用過驗孕棒驗而結果係無懷孕，如果好似我上一個回覆咁講係喺有效嘅時間驗孕，而且有按照說明書嘅指示進行驗孕，而結果係陰性嘅話，就應該係無懷孕架啦 你所講嘅不適有機會係因為月經就黎，見你提到本身經期都唔太穩定，可以以你最長嘅一次經期作為指標，即係如果最長試過比預期月經黎嘅日子遲左兩個星期嘅話，就等到今次預期月經黎嘅日子嘅兩個星期後，如果月經依然未黎嘅話，建議去睇醫生了解返身體狀況
1個讚
嗚好感謝你咁詳細咁覆我吖！！對唔住吖咁夜仲要覆我… 辛苦你喇好多謝你！！晚安~
1個讚