食完事後丸之後成日無啦啦流血

差唔多三個禮拜(25日)之前食左事後丸,之後間唔中有流血,差一兩個禮拜差唔多日日都有(都係流少少),究竟正唔正常?洗唔洗睇醫生?

咁樣嘅情況的確會令人擔心,但係事後丸其中一個副作用係陰道出血,通常血液比較少量同埋持續嘅時間好短。如果你話成一兩個禮拜都有出血,你可以去返拎事後丸果間診所/機構/醫院,叫醫生幫你做下檢查嘅。因為事後丸係一種需要醫生處方嘅藥物,佢會根據你嘅身體情況開唔同嘅避孕藥俾你嘅,佢地會比較清楚你嘅身體情況,儘快去睇下醫生會比較安全啲。 :pleading_face:

另外,事後丸係一種高劑量嘅荷爾蒙嚟,因此會改變月經週期嘅狀態同持續時間,所以下一次月經提早或延遲幾日嘅話,都係正常嘅,唔洗咁擔心。 :relaxed: