[長文]請教事前避孕藥

我第一次食事前避孕藥,遇到啲問題想請教!

交代下啲資料先
我係食yaz(28粒,24+4,家計會比)
頭一個禮拜都無乜唔舒服,但食到day9,我開始流啡,血量同嚟m第四五日差唔多(我未食之前m期6日,第二三日係血崩,之後就開始少,第六日一定乾淨晒)
我食到day20先開始無流啡,但仲有血絲,食到day23終於無出血。(家計會醫生話可能yaz嘅劑量對我嚟講有啲低)
然後我食到第三粒白色,再次出血,今次嘅血一啲啡都無,分量唔算多,但只係流咗2日。
食晒白色之後,我接住食第二包藥,day1仲有啲流啡,day2直頭好乾淨,無啡無血。

我想問
1)我流血嗰2日係咪可以當嚟m?
2)我已經食晒第一包藥,第二包藥第一粒係咪已經有避孕作用?定要連續食7日先有效?
3)如果我第二個食到day24嗰日發生無套性行為,仲內射埋,我會唔會懷孕?係咪仲會喺4粒白色藥期間嚟m?(我依然會採用雙重避孕,只係我有啲疑惑)

謝謝!

Hello~ 逐個逐個問題回覆你先:

  1. 個2日可以當係月經嘅,雖然日子上可能比你以往經期嘅長度短啲,但岩岩開始食事前避孕藥頭幾個月其實身體都需要時間去適應藥物內嘅荷爾蒙,所以頭幾個月嘅月經日子都會比較唔穩定。一般過咗幾個月身體適應之後出現月經嘅日子都會比較規律,會係白色藥丸期間出現。而且好多女性係服用避孕藥之後月經嘅日子都會短啲,血量亦會少啲,未食藥之前可能要嚟五至七日,但食咗藥之後可能兩三日就會完結經期。

  2. 係啊如果你已經完成咗第一包藥,而中間無試過留漏藥或者食藥後短時間之內嘔吐的話,藥物已經會起到避孕作用架啦。要食足七日先有藥效一般係指第一次服藥或者停藥一排之後再開始食藥嘅情況。

  3. 你所指嘅「第二個day24」係咪指第二包藥嘅第24日?如果係的話,到時身體已經會有避孕作用,即使體內射精,會導致懷孕嘅機會亦非常微(除咗唔發生性行為之外,無任何一種避孕工具係可以做到100%避孕嘅。不過事前避孕藥+安全套嘅避孕功效都好高,會意外懷孕嘅機會率係非常之微)。因為會導致懷孕嘅機會唔高所以月經都會正常地出現嘅不過因為依然係頭幾次食藥係咪一定會係白色藥丸期間嚟月經暫時我哋都未能夠肯定不過大概都會係差唔多嘅時間之內你所以唔需要太擔心?因為會導致懷孕嘅機會唔高,所以月經都會正常地出現。不過因為依然係頭幾次食藥,係咪一定會係白色藥丸期間嚟月經暫時我哋都未能夠肯定,不過大概都會係差唔多嘅時間之內嚟,所以唔需要太擔心~

關於你啱啱食藥冇耐就開始流啡嘅情況,見到你都有返去徵詢家計會醫生嘅意見,佢有冇話建議你嘅情況需要換第二隻藥?因為雖然事前約其中一個可能出現嘅副作用係會有不規律出血,特別係頭幾個月,但見你形容情況都持續左一段長日子,醫生亦覺得劑量對你來講可能偏低,可以試吓考慮轉用第二隻避孕藥啊。因為市面上有嘅藥物牌子有好多,每隻所含嘅荷爾蒙種類同劑量都唔一樣,有唔少女性都要試一兩隻先會搵到適合自己使用嘅。如果第二個月依然出現流啡嘅情況,不如約返家計會搵醫生討論下有冇需要轉第二隻牌子嘅藥啦:blush:

謝謝回覆:pray:t2::pray:t2:

第2,3題我明白啦,但第一題仲有啲疑問:我知道普遍月經會喺白色藥丸期間內出現,假設我喺食第3粒白色就嚟m,月經會唔會因為我食新一包藥而提早結束?

另外,如果一開始藥嘅劑量對我嚟講偏低,其實上個月仲有冇避孕嘅功效?

謝謝:pray:t2::pray:t2:

服用避孕藥之後,月經依然會自然咁排出,唔會因為服用新一包避孕藥而突然提早結束啊~ :blush: 原則上,月經嘅出現,係因為增厚左嘅子宮內膜脫落。所以,如果你月經已經出現的話,就代表緊你增厚左嘅子宮內膜逐步脫落緊,並唔會因為你服用左一包新嘅藥而突然停止脫落 :relaxed:

有D女性可能會覺得服用避孕藥之後,經血量明顯比以往少左,其實原因係因為避孕藥都會令子宮內膜比以往增厚嘅厚度少左,所以相對個經血量都會有機會減少:wink: 不過呢個情況都引人而異,會因為個人嘅體質、藥物本身嘅劑量、身體對於荷爾蒙嘅吸收程度等,而有所不同。所以並唔係每個女性都會經歷經血量明顯變少嘅情況~

而藥嘅劑量偏低方面,首先都想了解番醫生yaz避孕藥嘅劑量對你黎講可能偏低之後,有無建議你服用其他牌子嘅避孕藥?或者醫生有無講過話呢隻避孕藥劑量對你黎講真係太低,係無辦法避孕? :woman_health_worker:t2: :man_health_worker:t2:

如果醫生無特別建議你要換藥,亦覺得你可以繼續服用yaz避孕藥,咁應該醫生都認為即使yaz避孕藥嘅劑量即使對你黎講都係偏低,但係依然喺你身上係有藥效嘅 :blush: 其實一般新型嘅避孕藥荷爾蒙劑量都係偏低,主要目的係希望減低避孕藥對身體嘅副作用,不過可以放心嘅係,新型避孕藥嘅荷爾蒙,即使少劑量都依然能夠有足夠嘅避孕作用 :relaxed:

不過如果你依然係好擔心避孕藥嘅藥效的話,都建議你番去家計會,問問醫生「避孕藥劑量對你黎講偏低」嘅具體情況係點 :wink: 例如醫生只係指新型避孕藥嘅荷爾蒙劑量都偏低?還是指喺你身上劑量係低到差不多無效? 如果係後者的話,就可能就要問下醫生係咪有需要換其他牌子嘅避孕藥,或者換上一代劑量比較高嘅避孕藥啦 :blush: 因為我地都好難單憑「偏低」,去知道到底劑量係低到邊一個水平,所以問番醫生會比較清楚啊~

好,唔該:smiling_face_with_three_hearts::smiling_face_with_three_hearts:

1個讚