事後丸遲M?

我朋友上上星期一有unprotected sex 下一日去左家計會食事後藥
但到今日m已經遲左4日
想問下事後丸如果喺排卵之後食 會唔會冇效?

事後丸達到緊急避孕嘅作用有唔同途徑,除咗抑制排卵,佢亦會令子宮頸黏液增加,減低精子通過嘅機會,從而避免精子同卵子結合,亦都會透過所含嘅荷爾蒙令到受精卵無法係子宮壁內着床,所以即使已經排卵後物食藥都係依然能夠得到緊急避孕嘅作用嘅。

加上你係經由醫生處方先服藥,相信醫生都評估過你嘅狀況,覺得適合透過食藥去緊急劈孕,所以都唔需要太擔心。

事後丸其中一個副作用係影響下次嘅經期,所以有機會令到你下一次月經日子提早或延遲,血量亦有機會同以往有啲唔同,暫時都唔需要太擔心。家計會嗰邊應該有約你一個月之後上去複診驗孕,如果等唔切嘅話其實最快係性行為後七日驗已經會有初步結果,而第11日之後或者預計月經嘅日子驗結果都會比較準確嘅,可以自行喺屋企驗孕先,相信咁樣都會令你哋安心啲。