救命 懷疑自己有念珠菌

BODY:: 有關身體的
1

自從經期完咗之後，下體痕癢同埋出現有痕癢同埋出現有芝士狀嘅分泌物。感覺好似愈黎愈嚴重咁，之前以為係自己底褲唔乾淨所以痕，根住就見到啲芝士狀咁，冇味但係同平時果啲好唔同。(經期期間同之後都冇發生過性行為)

1我想知我係咪中左？
2可以去邊到治癒？價錢？始終第一次好緊張
—一定要出去治癒？自己搞唔搞得掂？
3我想知呢樣嘢係自己誘發定係點得黎？
-我係經期期間去過酒店冇着底褲靜係棉條訓教
-因爲冇M巾要用住棉條去廁所返到屋企即刻換(about 4hr)
-係屋企都愈唔着底褲訓
…如果全部都唔係我會開始懷疑男朋友出面有第二個傳左俾我！！！！

2

你咁擔心你直接去私家婦科睇，價錢間間唔同。
直接開門見山就得好似平時睇醫生咁
因為我試過只係最普通既細菌性陰道炎，從來冇做過性行為。所以唔洗check咁多，最多都係check下體。
如果有做過性行為，醫生做既步驟會唔同，可能會check下你分泌物
念珠菌係陰道炎既一種，所以係唔會自己好番，
最好底褲材質通風，儘量著裙唔好焗親下面。

如果你確定對方冇任何性病/冇做過不安全既性行為，咁唔一定關你男朋友事。
因為陰道炎可以係你免疫力低下既時候出現

睇醫生 唔好拖

ps如果我有錯請其他人指點下:rofl:

3

因為你嘅下體已經出現左痕癢嘅徵狀，都建議你即刻去睇醫生，了解下出現芝士狀分泌物同埋下體痕癢嘅原因，儘快接受治療 :blush: :pleading_face: :woman_health_worker:t2: :man_health_worker:t2:

  1. 念珠菌陰道炎嘅徵狀，包括外陰痕癢、赤痛或者紅腫，同埋下陰流出白色黏稠嘅分泌物。當然我地未能夠完全肯定，你下體痕癢同埋分泌物出現嘅成因係咪一定同念珠菌有關，不過始終你嘅下體已經出現痕癢徵狀，都建議你及早求醫啊。

  2. 而治療方面，正如上文所講，如果下體有出現持續痕癢同埋發炎嘅徵狀，都係必須求醫，避免病情惡化。同埋治療念珠菌嘅藥物，都係需要醫生處方，所以唔建議自己處理病情啊 :pensive: :confounded: 可以考慮選擇去家計會青少年保健（26歲以下及未婚的青少年），或者家計會婦女健康服務。有關念珠菌嘅化驗，費用為HKD 550。而一般醫生評估，收費為HKD 150（青少年）／ HKD 200（婦女）。其他收費項目可以留意番以下網站 :relaxed:

家計會青少年保健收費：


家計會婦女健康服務收費：

唔想睇家計會的話，都可以睇其他普通科門診／婦科醫生啊。因為原則上念珠菌並唔屬於性病，只係念珠菌都可以經由性去傳染，係好一般嘅病～ :wink: 價錢方面可以預約睇醫生嘅時候諮詢一下先 :relaxed: :blush: :telephone_receiver:

而化驗方面，除左家計會之外，都可以選擇衛生署社會衛生科 :woman_health_worker:t2: :man_health_worker:t2: 特別係如果你過往無做過任何性病檢查，選擇衛生署社會衛生科的話，就可以一次過做一個全面嘅性病檢查，費用全免 :wink:

  1. 其實本身每位女性陰道內都會有少量嘅念珠菌，但係出現以下嘅情況嘅時候，就會有機會令念珠菌大量繁殖，引致念珠菌陰道炎嘅情況。例如：服用抗生素、免疫力下降、經常穿著緊身衣物、穿著不透氣嘅內褲等。有時天氣潮濕或者炎熱期間，都會有機會令念珠菌大量繁殖，主要都係因為衣物唔通風所致。飲食上如果最近有服用過多有機會更改陰道pH值嘅食物，或者使用過唔適合陰道環境嘅潤滑劑或者物品影響陰道pH值，都會令念珠菌喺陰道內大量繁殖～ 同埋補充番，其實男性陰莖內都會有少量念珠菌架～ 每個人喺健康嘅情況下，身體都會有少量嘅念珠菌嘅 :blush:

棉條方面隔四小時替換係無咩問題嘅，不過記得要定時替換。而唔著內褲訓覺的話，都要注意床鋪嘅衛生，記得定時替換床單，避免下體接觸到唔乾淨嘅床單，導致下體發炎 :relaxed: :blush:

正如上文所講，引致念珠菌陰道炎係有好多原因，唔一定係因為男朋友同其他人發生其他性行為而令你感染嘅。其實一個人完全無發生過性行為下，都可以有念珠菌感染。

不過因為你身體有出現感染念珠菌嘅徵狀，如果你同男朋友發生性行為期間無戴安全套，都建議你男朋友去做番個念珠菌檢查，因為念珠菌係有機會透過性行為傳染更多到佢身上。不過一般念珠菌喺男性身上比較少出現病徵。當然如果男朋友嘅下體都出現痕癢／發炎徵狀，就更加要建議佢及早求醫啊～ :woman_health_worker:t2: :man_health_worker:t2:

你去睇醫生嘅時候，都可以同醫生講述多D你嘅情況，睇下男朋友有無需要都一齊做檢查同埋服藥 :blush: :relaxed: