愛情上,性觀念的分歧

我同我女友都已經一段長時間,起初大家性慾程度都偏強,所以唔會有大家唔夾ge情況出現。

但近lee一年,佢開始變得愈來愈保守,開始對性lee樣野無興趣,甚至有時會抗拒。但我ge 性慾相反因為次數同質素愈來愈低而提高。大家都有分別為lee件事而吵架同理性討論,但無一次真係有滿意ge結果。有時我會因察覺自己性慾真係過強而承諾再減低次數,同埋唔會再乘機摸佢;有時佢會因為明白我真係有需要而偶爾同我XX。佢有提過「我其實都只係無興趣無性慾,所以如果你真係有需要ge話我唔介意」。

持續一年幾,我以為大家都無問題同攞到平衡點,因為平均每月都有1-2 次。不過其實個感覺已完全唔同,感覺到佢根本唔投入,完全無曬以前ge激情。問題ge嚴重性因為lee個”以為解決了”ge假象而提高。

最後一次討論ge結果就係大家已經意識到好似無曬辦法,因為原來佢抗拒性ge原因有好多:佢覺得我前戲做得唔夠好、技巧唔夠好、環境唔夠好(屋企算係細)、佢覺得應該要婚後、佢覺得有少少disgusting、佢覺得我成日都話要、佢覺得好煩好例行公事等等。佢都提出如果你接受唔到不如分手,因為佢覺得我唔尊重佢。但一個網站講一段講得好好:

妳認為「愛我就是要尊重我」其實某種角度來說,是另外一種一廂情願。其實這句話,跟「愛我就是要跟我__」一樣。

所謂的「尊重」在現今社會其實係偏向女性,無相向可言。我要尊重佢ge不性需求,但我ge性需求不被重視,不被尊重。

我最後答應左佢:我唔會再同你提任何關於性。但佢都有提出過話不如去高級少少,氣氛好少少ge酒店試下。我八成認為其實唔會有改變,但我又接近九成認為我唔會忍到幾年,因為真係會太辛苦,咁ge話其實我地仲可以點做:disappointed:

Sorry 篇幅可能真係太長,但其實問題存在接近兩年,好多野已經無提到。同埋真係無曬辦法,前幾日我地好認真討論過分手,但到最後都唔捨得,希望有人可以解答到或幫到我:disappointed:Thank you.

Hello~ 多謝你同我地分享你同伴侶喺性方面嘅煩惱啊 :blush: 欣賞你地有就住個問題了解過雙方嘅諗法,而大家亦有嘗試為左令性生活更協調而努力 :two_hearts: 見你提到女朋友抗拒性嘅原因有好多,我地可以就住依啲原因討論下,不過討論之前首先要了解你女朋友從對性有興趣轉變為抗拒性嘅原因,例如你提到女朋友覺得你嘅前戲做得唔夠好、技巧唔夠好同屋企環境唔夠好依啲外在因素,可以了解下依啲情況係你地岩岩開始嘅時候你女朋友已經覺得唔好,定係有其他改變令佢有依啲感覺? 至於覺得應該要婚後先有性行為、覺得有少少disgusting、覺得好煩好例行公事等等,同樣可以了解多啲背後嘅原因。

另外,見你提到覺得所謂嘅尊重其實只係滿足女性嘅意願,明白你覺得自己嘅性需要被忽略,但希望你明白性行為係需要雙方嘅共識先可以進行,而且尊重一個人嘅性需要並唔等於要滿足佢,而係尊重佢以唔會侵犯他人權利嘅前提下滿足佢嘅性慾。所以如果你嘅性需要比較大而經常覺得不被滿足嘅話,其實可以試下從性玩具嘅途徑滿足性慾,市面上有好多唔同種類嘅男士用性玩具,例如自慰杯、陰莖震動器、前列腺按摩捧等等滿足各方面嘅刺激。

至於現階段可以做嘅事,除左了解多啲你女朋友對性嘅諗法轉變嘅原因之外,見你提到女朋友建議去間環境同氣氛比較好嘅酒店試下,其實都係一個唔錯嘅提議,因為性行為時嘅環境同氣氛的確會影響性慾,而且性同戀愛關係一樣都需要保鮮,轉換性行為嘅環境都係提升性嘅新鮮感同激情嘅方法之一 :sparkling_heart: 所以如果你地大家都依然愛對方嘅話,可以先從依兩方面入手嘗試重新建立雙方都覺得舒適嘅性生活 :smiling_face_with_three_hearts:

我認為佢起初性慾同宜家咁大轉變仲有一個原因就係我地已經一齊左4年半,佢對性已經無左果種新鮮感同好奇感。lee個問題看似好似冇咩解決方法,因為即使之後去酒店可以令佢有番feel,佢同樣亦都會好快冇新鮮感。最後個問題應該都只會番番黎Lee個位。

你第一個point 提到應該要再了解佢多少少。不過佢就係果種唔係好認識自己ge人,我嘗試過好多次問個原因係咩,佢每次個原因都係唔一樣。總之原因就係我提到果D,但至於果一刻佢因咩原因唔想XX 就係不斷喺個幾個point 徘徊。

另一個point ,聽完你講我明白談平衡點ge前提就係要相方ok。至於性玩具,由於我ge性需求唔係只係想舒服,我個mindset 都好著重同伴侶喺性行為果時嘅互動,簡單D講姐係我想喺愛情上得到性滿足,所以我諗性玩具解決唔到個問題,相反可能會令我有一種更大嘅孤獨空虛感。不過多謝你ge suggestion!

最後一點,好似岩岩咁講,做lee D野我驚只係一個治標唔治本ge方法。同埋每當我嘗試做少少野令佢有新鮮感,到最後都會因為大家太了解大家ge行為而變得好odd。不過我地都應該會之後有mood 果時試下。

最後我想問,其實如果真係試埋今次都唔得,係唔係要諗下分手?因為如果要我由lee一日直到結婚(有機會ge話)都壓抑自己性慾係太難,輕輕街上ge身體接觸都已經會有少少觸發我性慾。定係其實lee個問題真係我ge問題,係我性慾真係太強,係唔係我真係有要禁慾ge需要?同埋如果真係為另一半改變到咁(真係喺未來幾年都無性),其實算唔算令到無左自己,好似只係不斷改變而成為對方ge理想男友/女友?定係其實做lee D改變係正常,只係我宜家太悲觀?

Sorry ,又係好大篇幅,但真係好lost​:frowning:

同埋我對愛ge基礎睇法就係「愛不能無性」,兩件事喺我ge root mindset 係不能分開,可以話其實算係我對愛ge底線,我接受唔到無性ge愛情。但我都想知係唔係咁諗係唔正常,係唔係需要alter下自己mindset?定係其實”分手”係有需要考慮ge方向?
Thank you so so much :sob:

如果性慾嘅轉變係因為一齊耐左缺乏新鮮感嘅話,其實除左喺性方面增加新鮮感之外,平日兩人嘅相處上亦要努力保鮮,讓雙方都可以保持對對方嘅愛同激情。當然有人可以將感情同性分開,但情侶之間嘅性其實好多時都需要愛去推動,就好似你咁講好著重伴侶間嘅互動。所以都想了解多啲你同女朋友平日嘅相處方式係點樣,更重要嘅係你地現時對於大家嘅關係同相處方式滿唔滿意,有無覺得可以改善嘅地方 :thought_balloon:

的確性嘅新鮮感好容易消逝,就好似兩個人一齊耐左個新鮮感總會比岩岩開始嘅時候少。有啲人會因而選擇以casual dating/open relationship嘅方式去保持新鮮感,亦都有啲人因為追求穩定長久嘅關係而努力同伴侶維繫彼此嘅感情同激情,兩者都無問題,並無對與錯之分,所以你地亦都可以諗下自己追求嘅係一段點樣嘅關係,大家所追求嘅野又係唔係一致,就例如你提到自己覺得喺一段戀愛關係之中必須要有性,依個諗法係無問題嘅,每個人都可以有佢對戀愛關係嘅期望,問題在於你女朋友係唔係都有同樣嘅諗法? 如果大家嘅期望唔一致嘅時候又有無方法可以磨合到?

另外,如果只係為左取悅另一半而改變自己當然有違自己嘅意願,而且因為唔係發自內心地想改變所以亦唔會維持到好耐,或者改變嘅一方會覺得好壓抑。其實性慾多少並無一個客觀標準,亦無所謂嘅正唔正常,只要唔會影響到日常生活就無問題,即係例如會因為成日諗住性而無法專心上堂/工作、阻礙社交生活等等,所以如果你無依啲情況係無問題嘅,唔洗太擔心 :blush:

可能係因為一齊耐左,其實多數都有少少地方會不滿例如佢唔知做咩發我脾氣、幫完佢手做d野佢會鬧番我等等。lee d 野我又唔覺得係真心ge不滿,對我黎講會係一d小插曲,任何關係都應該會有。但係無奈ge係我地生活係悶左少少。主要原因係佢媽咪對於佢同我一齊過夜好有保留,所以咁多年黎想去旅行都唔得,渡假屋都無住過,完全無機會做d特別少少ge野。唔係行商場就係去影相,唔去影相就去食野,好乏味咁。

如果我係好想同佢有性行為,可能一星期一次咁;但佢係真係好抗拒咁,佢真係只係覺得係一個mission ,甚至會反感,咁我地可以點樣磨合?因為即使我將次數調低至一個月一次,佢都會覺得反感,好似我逼緊佢做一d佢唔係好想做ge野咁。好似真係攞唔到個平衡點。

其實lee段無性時期都算對我有少少影響。例如係我無咩做個時(可能溫緊書睇緊document果時),我個性慾係真係會令我無法平靜,一定要masterbate 。

不過最主要問題都係點樣先可以一人行一步,而又唔會令佢覺得反感。因為我宜家都唔敢同佢講有關性ge野,我驚講完之後又令大家難受,然後又有機會講到分手。

hello @fuckmylife, 從你嘅文字中,感受到你同女朋友都好努力去搵一個平衡點,希望能夠令女朋友唔覺得反感得黎,又能滿足到自己對感情關係上期望(i.e. 愛不能無性) :blush: 願意一齊去花時間磨合,已經係好難得嘅事 :heartpulse: 亦都欣賞你,當你知道自己有性需要嘅嘅時候,都會嘗試搵方法(自慰)去滿足自己嘅性需要先,而唔係強迫女朋友去發生佢唔願意嘅性行為 :relaxed:

如果你已經試過同女朋友講調低性行為上嘅需求,變成一個月一次,而女朋友依然覺得好似係進行例行公事、mission咁,覺得反感,我覺得話唔定將呢樣野「規律化」未必係一種令佢覺得舒服嘅方式 :disappointed_relieved: :pleading_face:

對於某部分人黎講,將關係上某D行為(例如打電話、見面日子、性行為嘅頻密度)「規律化」,有時係一種無形嘅壓力。有時可能工作壓力、有其他野忙緊、身心疲累等因素,未必真係有心情,去同伴侶跟好個「規律」,好似依時打電話、約會、發生性行為等。特別係關係已經維持左一段時間,所有野都按住呢個「規律」去發生,可能都會漸漸失去左個新鮮感,因為已經無咩野值得去期望。又或者當自己跟唔到呢個「規律」嘅時候,都擔心自己會唔會滿足唔到對方需要,係咪背叛左呢個「承諾」,令伴侶失望 :pensive: :pleading_face:

有時可能將呢個「規律」攞走,回復番當初跟住感覺,自然而然咁去發生性行為,可能會比較舒服,對方亦比較少壓力。不過前提係,要先了解女朋友最近嘅內心需求到底係D咩。就如 @Ana_StickyRiceLove 提及到,好多時情侶之間嘅性,係需要愛去推動。 撇除左「性」呢方面嘅煩惱,你又有無嘗試過了解女朋友依家嘅需要?

例如

  1. 佢最近會唔會有需要投放好多心力嘅事情(工作、學業等),無咩心情去維繫感情/發生性行為?
  2. 佢會唔會真係好擔心屋企人知道佢發生過性行為的話會好反感,所以不自覺地都影響自己內心,降低發生性行為嘅慾望?
  3. 關係上,佢會唔會都開始覺得面對你會好有壓力,因為深知現時嘅佢無辦法滿足你嘅性需要? :thinking: :pleading_face:

如果係1的話,我覺得現時能夠做嘅,都係比佢專心去完成所需嘅事情先,有時呢D事情過去左之後,等無咁忙,有番D心情嘅時候,自然就會有番想同你親近嘅感覺(當然未必咁快就跳到性行為啦)。

2的話,就可能正如你女朋友所講,去下環境同氣氛比較好嘅酒店試下,一方面可以增加情趣新鮮感,二黎話唔定都可以令你女朋友比較放心咁去發生性行為。因為佢就唔需要擔心喺任何一方屋企發生性行為,比對方家人撞破時嘅尷尬,亦減少到佢嘅擔憂。見你都有講過,女朋友媽媽對你同佢一齊過夜有保留,所以令好多想同女朋友一齊經歷,增加新鮮感嘅方式,都無辦法實踐。不過有時站於家長嘅立場,可能家長都會希望可以對你有更深入嘅認識,覺得你係可靠嘅人,或者等女兒再大D嘅時候,先放心比自己嘅女兒同你一齊過夜。長遠黎講,增加屋企人對你嘅好感,其實都係一個有效嘅方式,去維繫你地兩個嘅關係,同埋可以增加創造更多新鮮感嘅機會啊 :see_no_evil: :heartpulse:

希望透過了解女朋友更多需要,可以令女朋友感受到你係在意佢嘅感受,亦都體會到你嘅用心。令你地雙方嘅內心變番貼近,有番「愛」嘅感覺,再繼而有番想發生性行為嘅感覺 :blush:

不過如果係3的話,我覺得就睇你地願意再付出幾多嘅心力去繼續嘗試磨合,還是你地雙方都覺得以暫時彼此嘅狀態,都唔適合繼續交往落去。有時適時分開都未必係一件壞事,放下關係上嘅束縛,經歷更加多,更明白自己嘅需要同期望之後,話唔定之後都會有機會以一個更好嘅狀態再一齊番 :blush: (當然亦會有機會遇上另一個更加適合自己嘅人 :wink:

面對感情嘅課題,確實係無一個正確嘅答案,只有你自己先最清楚用點樣嘅方法去磨合,會令你都覺得舒服,亦只有你先知道自己現在同未來最需要嘅係咩。如果溝通、尊重、理解、磨合,都一一嘗試過,咁下一步就睇睇你地覺得關係要轉化成點樣嘅模樣,先會令你地雙方都覺得自在、舒服啦 :blush: :pleading_face::heartpulse:

你都覺得好岩,可能係lee 一兩年實在太在乎幾時有得性行為令大家都有壓力,相反應該跟住感覺。你講ge第三點其實都幾切合我地ge狀況,可能我首先要控制到自己ge性慾先,因為我係一有少少親密接觸(攬下、佢 i 落我度)都唔知點解會令我唔多唔少諗性ge野。

咁ge話其實我係唔係要少d 掂佢?但lee樣對我黎講有少少難,因為我係個d 都好痴身ge 男友。定係我應該要減低性慾?但係我我又唔知應該要點做,因為性慾一黎個下個火真係好難熄滅,好難話咩諗其他野分散自己注意力。你地會唔會有d 方法或建議可以比我呀:pray::pray:

真係好多謝你地用咁多時間同我討論:bowing_man:‍♂

明白性慾嘅強弱好難自己控制,而情侶間嘅親密互動亦都難以避免,加上刻意避免身體接觸反而可能會影響彼此嘅感情 :pleading_face: 建議你先嘗試下平日做多啲運動消耗下精力,亦都可以發掘多啲自己有興趣嘅野令生活更加充實,咁就可以減少喺空閒嘅時候激發起性慾嘅機會。

而同女朋友相處方面,見你之前提到好多時都係行下街食下野咁,覺得有啲悶,所以建議你地可以嘗試尋找下一啲你地之間嘅共同興趣,再一齊參與相關嘅活動,例如如果你地都對整野食有興趣嘅話,可以試下一齊去學整野食,或者如果你地都鍾意運動嘅話,可以一齊去做gym,咁樣既可以為你地見面嘅時間增添新鮮感,過程中亦都可能讓你地發掘到對方更多值得欣賞嘅地方,而唔係只係focus係性方面,而且一齊經歷嘅共同回憶亦都係維繫彼此之間嘅愛嘅其中一個重要元素 :two_hearts: