初次性交是否真是痛

因為睇網上的留言同身邊的朋友講,初次性交都是會痛的,而且痛的程度有所不同,是不是每個女仔都有呢個情況,都是一樣,總會有痛的情況?是不是前戲做得好好,即系好濕潤,難免都是不是都有點痛?即使沒有處女女膜是不是都會痛?

另外,點解有d女仔話初次性交是沒有感覺的,呢個問題是不是因為對方的陰莖太幼,所以沒有感覺?是不是對方的陰莖幼的時候是不是唔會產生痛楚?

同時,自己自慰的時候,嘗試放一個手指入陰道,但是真是沒有感覺,感覺唔到有咩特別,所以當正式性交的時候,對方的陰莖太幼的時候,是否是沒有感覺的?

Hello~ 初次性交疼痛與否同埋疼痛嘅程度係受好多唔同嘅因素影響嘅,亦都係因人而異嘅,就好似你提到嘅前戲都有關係,因為當有足夠前戲嘅時候,陰道會因為進入性興奮狀態而變得濕潤同慢慢擴張,咁陰莖就可以較容易插入陰道,疼痛感亦會減少。另外,性行為時緊張亦都會令陰道較繃緊,以致陰莖較難進入陰道。所以如果無陰道前膜(即係坊間所講嘅「處女膜」),但陰道未完全進入性興奮狀態/女性處於緊張嘅狀態,陰莖插入陰道嘅時候都有機會產生疼痛感。

另外,有陰道前膜亦唔一定代表進行插入式性行為嘅時候會疼痛,因為陰道前膜其實並唔係一塊一觸即破嘅薄膜,而係一個中間有窿、唔完全封閉嘅結締組織。之所以有窿係因為可以俾女性嘅分泌物同經血排出體外,而窿嘅形狀同大細亦都因人而異。至於有陰道前膜而進行插入式性行為嘅時候感到疼痛,係因為陰道前膜邊緣嘅位置撕裂。陰道前膜係有神經末梢嘅,但主要分佈喺邊緣(連結陰道壁)嘅位置,所以如果係接近中間嘅位置撕裂,係唔太會感到痛楚嘅。所以的確有機會初次性交嘅時候係無疼痛感嘅,亦都唔一定係同陰莖嘅粗度有關。

而自慰時放一隻手指入陰道嘅時候無咩感覺有機會係因為未刺激到陰道敏感嘅位置,而且感覺嘅強弱亦都同自慰時/性行為時個人性歡愉嘅程度有關,所以都唔一定係同陰莖嘅粗度有關嘅。一般陰莖勃起後大概同三隻手指嘅粗度相若,當然陰莖嘅粗度係因人而異,而性行為時每個女性喜歡嘅刺激強度亦都唔同,所以都無一個客觀嘅陰莖粗度標準嘅 :blush:

多謝你葛回覆。
大約意思是不是或多或少都有少少痛楚的?即使前戲做得幾好,當破果成膜的時候都是有少少痛,假如個女仔有處女膜的情況之下。

假如在沒有見到對方下體的情況之下做的話,如何是感覺到被插入去呢?因為一個手指插入自己陰道,當沒有真是見到插入的那一刻,都沒有感覺,插入同不插入都沒有不同的, 何況對方的陰莖,自己的手同對方的陰莖插入去的感覺是否有什麼分別?
試過將手插入陰道,點解有想去大便的感覺,都有點不舒服的感覺,甘當如果真正性交的時候,是否都有呢個情況?陰莖沒有性興奮情況下,是否相當兩個手指,對於普遍男仔來講。因為我聽講身邊朋友,佢有男朋友的陰莖只是相當拇指甘大個,其實屬於是不是細?呢個尺寸是不是都罕見?
一個男人的陰莖與佢的手指,或身形,有沒有一定的關係?

可能我問這些問題也是太無聊了:smile::smile::smile:,我都知道每個人可能會經歷,我只是想了解多一些

上面 @Ana_StickyRiceLove 都有講:「陰道前膜係有神經末梢嘅,但主要分佈喺邊緣(連結陰道壁)嘅位置,所以如果係接近中間嘅位置撕裂,係唔太會感到痛楚嘅。所以的確有機會初次性交嘅時候係無疼痛感嘅,亦都唔一定係同陰莖嘅粗度有關。」因此未必一定會痛嘅,而疼痛嘅程度都同女方性行為嘅時候緊唔緊張、有無足夠前戲同潤滑有關架。其實每個順性別女性出生嘅時候都會有處女膜,主要分別係係咪封閉同埋裂開嘅位置/形態。即使處女膜係被插入陰道時導致額外撕裂,都唔會令到成塊處女膜「消失」或者變成「無處女膜」:face_with_hand_over_mouth:

的確,陰道裡面其實本身的神經末梢數量較少,主要都係集中係近陰道口嘅位置,果度其實都會有感覺嘅。見到你話「當沒有真是見到插入的那一刻,都沒有感覺」,但係後來又話「試過將手插入陰道,點解有想去大便的感覺,都有點不舒服的感覺」,其實都睇到你有感覺嘅,就好似你用手指插入自己陰道咁,其實當陰莖插入陰道嘅時候,會有一種被填滿或者有異物進入嘅感覺,同埋有物體插入陰道都會刺激到盤骨底肌肉,呢組肌肉係大小便同忍大小便嘅時候都會用到,所以有好多人係被插入嘅時候都會有類似急尿急屎嘅感覺,都係正常嘅唔使擔心,如果覺得唔係好舒服嘅話,可以試下用潤滑劑。當真係同其他人有性行為嘅時候,其實好多嘢都要配合嘅,例如氣氛同前戲都會令你被插入嘅時候有唔同嘅感受嘅,當前戲同埋氣氛足夠嘅時候,有啲女仔都會有種想被填滿嘅感覺架,當呢個時候陰莖插入嘅時候,就會有種被滿足嘅感覺,同係無性興奮情況底下插入陰道嘅異物感唔一樣。 :hushed:

你問「陰莖沒有性興奮情況下,是否相當兩個手指」,你意思係粗度定係長度?其實陰莖好似人嘅樣咁,每個男仔嘅陰莖都會有唔同嘅。而亞洲人嘅陰莖彈性會比較好,勃起前同勃起後嘅分別會比較大啲,所以唔會可以從佢疲弱狀態下嘅陰莖預計到佢勃起嘅尺寸有幾大。其實大細嘅概念係比較出嚟,睇下你會同咩嚟比較,男性陰莖勃起後大於7cm其實都係正常架啦。如果計香港男仔陰莖平均值嚟講,就會係11cm左右。值得留意嘅係,係性行為嘅過程會唔會感受到滿足其實同陰莖大細無關,因為陰道嘅神經末梢都係主要集中係陰道頭三分之一嘅地方,而女性陰道平均係10cm左右,姐係頭4cm左右會有感覺,之後就唔會有咩感覺架啦。另外,如果係無性興奮嘅情況底下性交,其實只會有異物感而唔會感到快樂,所以真係好睇前戲同氣氛點樣烘托架。 :smiling_face_with_three_hearts:

可能坊間都會話,高嘅人陰莖會大啲,鼻大嘅人陰莖會大啲,其實暫時嚟講都係無科學研究嘅根據,所以係無關係嘅。 :nerd_face:

至於話手指,其實可以科學研究上係有指出人嘅「食指:無名指比例(2D:4D)」係同出生前嘅荷爾蒙水平有關係,當個比例細啲就代表大啲機會接觸雄激素同睪丸素,而一般男性呢個比例都會比女性細,有啲研究亦指出呢個影響即使進入青春期亦唔會有太大改變。因為某程度上代表到荷爾蒙水平,而雄激素同睪丸素對陰莖大小/勃起狀況都會有一定影響,所以有啲人可能會用手指嘅大小去估算男性嘅陰莖大小。不過即使係有關係,手指比例所反映嘅主要係出生前嘅會接觸到嘅男性荷爾蒙,但事實上陰莖大小可以被好多其他因素影響到,所以都能夠單憑手指大小去推算。 :wink:

其實呢啲問題都係好多人會問嘅嘢,唔會無聊呀,如果你想知都可以繼續搵我地問架,我地都好樂意繼續答你呀~ :relaxed:

多謝你的回答
另外,性交時候除了有急屎尿的感覺,在沒有看見情況之下。
還有沒有其它感覺的?無論對方的陰莖有幾大或者幾細,陰道是不是一定感應到有對方的陰莖存在,可能手指不能與陰莖相相提並論,例如會唔會有一定溫度感或者滑感,轉動之類葛野?
你話有D女仔有種被填滿的感覺,即系咩意思,唔太明白。
最後想問下,每次性交是不是需要手輔助一下,才能進入到?

其實性交時候嘅感覺都係引人而異,亦都視乎當下陰莖刺激緊陰道嘅咩位置/體位。所以有人可能會有急尿急屎嘅感覺,有人可能只有性興奮嘅感覺,當然亦有機會係咩感覺都無 :blush: :hear_no_evil: 視乎當下大家嘅生理同心理狀況係點樣~

陰莖嘅大細/長短都會或多或少,影響到陰莖於陰道內嘅存在感,因為陰道內依然會有機會感覺到陰莖頂到咩位置,又或者會唔會因為粗度,而影響抽插時嘅速度。陰莖嘅溫度方面,都視乎安全套嘅厚度,一般越薄嘅安全套,就越容易傳遞到對方陰莖嘅體溫(本身帶有冷熱感功效嘅安全套就係例外情況啦~ :see_no_evil: :heartpulse:)。陰莖嘅轉動可能於陰道內就比較難感受到,始終陰道內嘅神經末梢數量較少。不過有時透過配合有凸點/螺旋紋嘅安全套設計,就會比較容易感受到陰莖轉動/抽插時嘅感覺 :relaxed:

而一般女仔會有種被填滿感感覺,都有唔少機會係同心理因素有關。有時當女仔見到陰莖插入陰道嘅時候,都會心理上覺得身體被對方填滿嘅感覺。當然唔排除生理上,當陰莖刺激到陰道內部分接近陰道內陰蒂組織嘅位置(例如G點),都有機會感受得到陰莖被填滿嘅感覺啦 ~:relaxed: :blush: 加上,陰道始終都係一個肌肉嘅組織,當有一樣異物放入身體嘅時候,都會有D感覺嘅。不過有無「填滿」嘅感覺,就視乎本身肌肉嘅敏感度/收縮嘅程度啦~ 所以有D人會容易D感覺得到,亦有人嘅身體就比較少有呢種「填滿」嘅感覺,都係因人而異 :blush:

性交嘅感覺真係好難一概而論,因為每個人嘅身體同埋當下嘅感覺都係獨一無二嘅 :smiling_face_with_three_hearts: 即使我地依家可以形容得到身體上可能會感受到嘅感覺,但係當你實際上去體會嘅時候,可能又未必同我地所形容嘅一樣,只有你先會感受到 :heartpulse:

性交都未必每一次都需要手去輔助嘅,有時如果陰莖勃起嘅時候夠硬,而潤滑劑都充足,伴侶之間都好熟悉彼此身體嘅狀況/彼此身體嘅性器官狀況都好配合(例如陰莖-陰道角度),陰莖有機會可以無手輔助之下,就進入到陰道內。不過因為陰莖嘅勃起角度,同埋陰道內嘅結構都係因人而異,特別係一開始嘅時候就未必咁容易就可以進入到。有手去輔助,調整陰莖角度,就會比較容易進入得到啦 :wink: 隨住時間過去/性行為嘅次數累積,越熟悉大家身體嘅狀況(例如咩體位會比較容易進入),可能到時就較少需要依靠手嘅輔助啦 :blush:

多謝你的回答:blush:

1個讚