性交女性高潮

我係男仔來, 聽講女仔抽插比較難高潮… 想請問下有無一些方法/體位, 可以抽插同時刺激陰蒂呢? 力度同手法應該如何呢?

另外, 陰道無神經, 那麼女仔被抽插嘅快感, 其實响邊度來呢?

謝謝

同埋什麼是 “CAT” - coital alignment technique 呀? 具體係點做ga?

能夠刺激陰蒂嘅體位方面,建議可以嘗試桌面式(tabletop) 同埋 湯匙式(hands-on spooning)。桌面式就係女方可以坐喺床邊訓低,然後男方抬起女方雙腳(甚至放到男方肩膊上面)。進行抽插性行為嘅時候,男方就可以同時刺激女方陰蒂 :blush: 湯匙式的話,就係雙方都側躺喺床上,女方嘅背部貼近男方嘅胸口進行性行為。咁過程中,男方就可以用手從後到前方,撫摸女方陰蒂,當中可以選擇抬起女方較上方嘅腳,或者女方雙腳合埋,會有唔同嘅刺激 :relaxed: 其他方式都可以睇睇以下嘅網站~

刺激陰蒂嘅要點,主要係開始嘅時候,要確保陰蒂部分係濕潤(透過女性自然分泌物變得濕潤/使用潤滑劑皆可)。然後輕力撫摸陰蒂,左右撫摸或上下撫摸。當女方開始覺得興奮/舒服嘅時候,繼續進行重複動作,不過可以再慢慢加快速度同埋力度,增強刺激,從而達至陰蒂高潮 :wink:

的確陰道只係有好少量嘅神經末梢,原因有人推測係為左幫助女性生BB嘅時候減低痛楚~ :blush: 而生理上,點解抽插嘅動作,依然會令女性達到陰道興奮,係因為有其他陰道以外部分嘅神經可以刺激到。例如透過刺激陰道口表面嘅感覺神經可以令女性感到性興奮。同時,其實陰蒂嘅組織,唔單只係包含陰道口附近突出嘅一個小點-陰蒂頭(glans clitoris),陰蒂組織其實係好大,陰部內依然有陰蒂組織嘅延伸,包括:(1)陰蒂軀幹(clitoral shaft)、(2)陰蒂腳(crura)、(3)前庭球(vestibular bulbs)⋯⋯等。所以好多時抽插動作點解依然可以達致「陰道高潮」,其實係因為陰莖抽插過程中,刺激到接近內部陰蒂組織嘅部位(例如G點/子宮頸),或者陰道附近嘅其他性器官組織,達致高潮 :wink: 因此透過刺激G點,同埋陰莖打圈嘅動作,都會比較容易刺激到陰道高潮。正因為「陰道高潮」呢個詞於生理上比較有爭論(到底高潮係咪真係喺陰道發生),心理學上都表示「陰道高潮」呢個感覺,比較上係來自於陰莖-陰道抽插嘅過程中,心理感覺上帶黎嘅。亦都有研究指出較好心理功能(例如性生活、與伴侶關係等)嘅女性,會比較容易出現「陰道高潮」(Brody,2007)。

CAT(coital alignment technique)嘅意思,就係指雙方性器官呈一直線嘅技巧。CAT姿勢係一個垂直嘅動作,下方嘅伴侶(/女方)訓喺床上,雙腳微微打開,上方嘅伴侶(/男方)慢慢訓上去女方身上,一般建議男方嘅心口貼近女方嘅肩膊附近。之後陰莖慢慢插入陰道(應該陰莖同陰道呈直線),然後開始慢慢上下抽插 :blush: CAT姿勢嘅其中一個好處,就係女方嘅陰蒂比較容易喺抽插過程中摩擦到。不過要注意嘅係,呢個姿勢對於男性嘅體能要求比較高(特別係雙手支撐嘅時候可能會覺得好攰),所以嘗試嘅時候,都要注意一下啊 :relaxed: :see_no_evil: :wink:

參考:
Brody, S. (2007). Vaginal orgasm is associated with better psychological function. Sexual and Relationship Therapy, 22(2), 173-191. doi: 10.1080/14681990601059669

謝謝你呀:smile:答得好詳細呀

「因此透過刺激G點,同埋陰莖打圈嘅動作」,打圈既是點樣呀?即是插到一個位定住,唔抽插,然後扭腰嗎?

另外,咁講,CAT即是無插入去,响個裂縫位上下動嗎?

係啊,「陰莖打圈嘅動作」,以一般傳教士體位的話,就即係陰莖進入陰道後,透過以陰道口為支點,去扭動腰部/腰部左右搖擺,令陰莖在陰道內左右捲動,去刺激埋陰道壁及子宮口。而女性喺上方嘅騎乘位,都可以透過將手放喺女方臀部方便,引導女方畫圈咁移動,令陰莖喺陰道內進行旋轉嘅動作 :relaxed:

CAT姿勢中,陰莖會插入陰道內啊 :relaxed: 上文都有提及到~

謝謝你呀

但垂直插,陰莖會唔會易傷ga? 同埋明明垂直陰道,咁點滑入去呢?

你所講嘅陰莖受傷係唔係擔心陰莖會因為插入時嘅角度而導致挫傷? 如果係嘅話其實唔需要太擔心,因為陰莖本身係無骨嘅,之所以會勃起係因為陰莖內嘅海綿體充血膨脹,而當陰莖勃起後雖然無未勃起時咁有彈性同柔軟度,但係都可以調整性行為時插入嘅角度嘅,只要唔好強行拗曲陰莖係唔會導致挫傷嘅。而運用CAT依個姿勢嘅時候,上方嘅伴侶(/男方)嘅陰莖同下方嘅伴侶(/女方)嘅陰道係成水平線嘅,所以陰莖可以好順利的滑入陰道,亦唔會因為頂到陰道壁而造成疼痛。

明白。。即是好貼身體,上下郁。咁幅度應該好細,但骨貼骨咁慢慢郁,對嗎?

謝謝你

無錯阿用CAT姿勢嘅時候雙方嘅下身會好貼近,至於抽插嘅覆度同速度就好似 @Sze_StickyRiceLove 咁講好視乎上方嘅伴侶(/男方)嘅體能,初次嘗試嘅時候可以較慢嘅速度同較細嘅覆度開始先 :blush:

明白,謝謝你地呀:smile: