琴日1點幾同男朋友有性行為，佢流左少少精液係陰道入面，之後今日晏就我已經去買事後避孕丸食，咁樣係咪已經冇可能會懷孕？
Hello @emi，首先都好欣賞你喺發生左唔安全嘅性行為之後，有即刻去進行補救措施，希望減低懷孕嘅風險～ 
（補充：事後丸嘅最長服用時限為性行為後120小時內～）
不過，想了解番你係去邊度買事後避孕丸食？ 
因為事後丸係醫生處方藥物，如果你係喺家計會，或者其他診所得到事後丸的話，咁藥效上係可靠嘅，避孕成功率亦都好高，有98% 家計會的話，只要依醫生指示，一個月左右後番去覆診，並進行驗孕，就可以放心啦。
不過如果你嘅藥物唔係醫生處方的話，咁就需要擔心藥物嘅來源同埋成效啦 
建議攞番包裝盒（如有），去家計會／其他診所，同醫生講你嘅情況，睇睇有無需要再服用醫生處方嘅事後丸，或者依醫生指示去進行驗孕
下次發生性行為嘅時候，記得整個過程戴好安全套，一方面避免懷孕風險，同時亦都可以減低性病傳播風險啊
我食嘅牌子係ella ulipristal acetate tablet 30 mg，可信嗎？
單單睇藥物嘅牌子，我地都好難知道你真正服用緊嘅藥物係咪可靠 最重要都係你服用嘅事後丸嘅來源係邊度 
因為如果你嘅藥物係醫生睇完你嘅情況之後，處方比你嘅，咁相信事後丸藥效係可靠嘅
不過，正如之前提及過，喺香港事後丸係醫生處方藥物。如果你嘅事後丸係透過藥房自行購買，就要擔心藥房賣比你嘅藥物係咪適合你嘅體質，會唔會藥效不足。而且有部分藥房會將一D唔係事後丸嘅藥物，包喺事後丸包裝盒入面賣比你，質素參差，藥效成疑。所以如果你係藥房自行購買的話，就建議儘快搵番醫生諮詢啦～
想問吓，你呢隻藥係邊度買？
我有醫生紙，但揾唔到藥房有
我地成日都話事後丸係醫生處方藥物，所以千祈唔好自行去藥房度買，就算你有所謂醫生紙都需要見醫生，由醫生直接處方藥物俾你。
因為身體情況經常都會變化，而事後丸並唔係每個人都適合服用，所以經過醫生評估係非常重要的。