我係咪有焦慮症

上個月尾同男朋友隔住內褲摩擦,我知道原理上應該唔會懷孕(我仲要著埋打底褲,3層布:joy:)。但係唔知點解,個人都會一直緊張,甚至用埋驗孕棒去check。check完明明係一條線,但過多排,又會因為當時係下午check,唔係晨尿,一直諗準唔準架@@。總之喺月經來之前(有遲到,但我個個月都會遲幾日),就一直諗會唔會有左,即使知原理上係唔會,個腦都會一直緊張擔心。

除左呢件事之外,日常生活之中我都經常會咁,可能係人際之間嘅事、工作,成日都會過份憂慮,好大壓力,成日個腦會諗啲事情最壞結果。理智上知道自己over左,但都控制唔到自己一直擔憂緊張。即使做左啲野安慰自己,eg驗孕,都幫唔到自己。我長期都有失眠多夢問題,真係好困擾。。

其實我有上網做過唔同焦慮症嘅test,結果都係大程度上有,雖然我麻麻地相信網上d test​:rofl:

Hello @Janice905 :relaxed: 有意識到自己嘅心理狀態未必咁穩定,都係一個改善生活嘅好開始 :blush:

首先,擔心懷孕方面,其實有隔住衣物再發生性行為嘅風險係近乎零。因為精子係需要一個媒體去存活同埋令佢能夠游到陰道內導致懷孕(例如精液、尿道球腺液),所以當有衣物阻隔嘅時候,已經令精子好難直接接觸陰道,同埋精液同尿道球腺液接觸衣物布料後,都會好快乾透,令精子失去活動能力,從而死亡,所以都可以放心 :blush:

如果明白原理上係好難導致懷孕之後,依然都係好擔心,覺得要等下次月經黎先放心的話,其實都可以嘗試不論有無發生直接嘅插入式性行為都好,可以選擇服用避孕藥,或者整個親密接觸過程都戴好安全套,咁就心理上更加知道懷孕嘅風險更加微,希望可以減低你嘅焦慮感 :wink:

焦慮症其實可以再細分好多種。而廣泛性焦慮症( Generalized Anxiety Disorder)嘅徵狀,係包括對於某D活動/狀態有過分嘅擔憂(例如工作表現、金錢、家庭),並且持續出現超過6個月,而你亦都覺得唔能夠自控地咁去擔憂。同時有伴隨住某D生理及心理上嘅徵狀,例如容易覺得疲倦、肌肉痛楚、失眠等。如果你嘅情況都已經持續左一段時間,都建議你可以搵社工、輔導員、臨床心理學家、精神科醫生等,尋求專業協助 :relaxed: :blush: :heartpulse: 透過心理治療同埋藥物治療,都係可以有效咁去治療焦慮症架 :smiling_face_with_three_hearts: 同埋患有焦慮症或者其他情緒困擾,其實社會上都係好常見嘅情況,只要及早求醫,對症下藥,相信情況係會漸漸會有好轉 :heartpulse: :blush: