好擔心好擔心

Hi,我上個月5月4號嚟m到今日仲未嚟,而係上個月有2次同男朋友親密過我哋冇插過,但係有指交,著內褲磨咁,佢用手指插我之前有去洗手,而磨擦我好驚d分泌物會令我有咗。我而家日日都好似有谷m咁,有啲攰,而且有啲發熱咁,好驚有咗

補充番分泌物都有

Hello~ 首先想你知道你所講嘅嗰次性行為基本上係無懷孕嘅風險嘅, 唔洗太擔心 :blush: 雖然男性受性刺激嘅時候會自動分泌含有少量精子嘅尿道球腺液,但係因為精子接觸到空氣之後通常幾分鐘內就會死亡,而且接觸到皮膚、衣物等都會進一步減低精子嘅存活率,所以喺無發生過插入式性行為(即係陰莖插入陰道)嘅情況下,懷孕嘅機會係非常低嘅 :relaxed:

至於經期穩定與否本身係受到好多唔同因素影響嘅,例如生活習慣改變、心理壓力大、生病服食過藥物、長期處於擔心嘅狀態等等,而你所講嘅不適亦都有機會係因為就黎m,不過如果不適嘅情況持續嘅話,建議你去睇醫生了解返身體狀況,你可以以過往最長嘅經期作標準,如果過左嗰個時間月經都未黎嘅話,就可以去睇醫生了解返不適同月經遲黎嘅原因,即係例如最長試過遲黎兩個星期嘅話,咁宜家就可以去睇醫生架啦,了解左身體狀況就唔洗心掛掛啦 :blush:

1個讚

唔好意思呀我仲想問啫係我男朋友掂完佢嘅私人部位根住去洗手再即刻插入我下面嗰陣,佢d分泌物已經死晒?同埋係咪我因為仲未嚟m好驚有咗搞到m唔嚟,同埋就嚟考試,下年就dse好緊張好多野做做到好攰,搞到咁?

係阿,因為精子係需要精液嘅保護先可以生存,所以用清水沖洗雙手嘅精液之後就已經無精子存在架啦 :blush: 至於月經遲黎的確有機會係因為你依段時間比較緊張同壓力大,所以可以先嘗試搵方法放鬆心情,可能放鬆左之後月經就會自然黎架啦 :relaxed:

1個讚

好啦明白晒啦thxxxx​:slight_smile: