可唔可以男嘅去家計會買事後藥

是咁的,我女朋友唔敢去家計會買藥,我想自己去買得唔得??

你好呀,都想知道你女朋友有咩原因令佢咁怕去家計會買藥呀?:pleading_face:

基本上係唔可以嘅,首先因為事後丸喺香港係一種醫生處方藥物嚟,因此當事人係需要出現係診所拎藥嘅。其次家計會都有駐診醫生係度,佢要見下你女朋友,同佢做個評估,睇下佢身體情況點樣,有無藥物敏感等等,適唔適合透過食事後丸做緊急避孕,所以一定要見醫生架。

其實你都可以陪你女朋友一齊去家計會,佢有個伴就無咁驚啦,但基本上入去見醫生都係要當事人自己入去:slight_smile:

其實家計會嘅流程同一般係私家診所睇病無咩分別:

1)按照預約時間抵達診所
2)等候護士接見
3)護士會詢問基本病歷同有關今次性行為嘅情況,例如係咩原因需要緊急避孕、係咪清醒有共識地發生性行為、係咪同認識嘅人發生性行為
4)然後會度高磅重
5)之後就係等待見醫生,醫生會做基本檢查,詢問以往經期狀況,確定適合服食事後丸。
6)食藥
7)等候大概10分鐘,身體無咩事就可以走
8)臨走之前護士會約定一個月後上來驗孕嘅,確保係無懷孕。