想解決自瀆的一些壞習慣

我有個壞習慣,就是有時自瀆時會走出屋外自瀆,都係近幾個月先出現,最近這樣嘅次數多了少少。

我知道這樣好危險,但又好刺激,就算我冇走到室外,我都喜歡有關戶外的性幻想。我想解決有時走出屋外自瀆的壞習慣,可以點阻止自己呢?

係戶外有性行為或性刺激其實都係好多人嘅喜好嚟,因為個種唔知幾時會有人經過見到嘅緊張感都會令荷爾蒙上升,變相增加刺激感。同一時間亦有好多人享受被陌生人睇到嘅感覺,一樣覺得好刺激。有唔同嘅性喜好係冇問題嘅,不過就要小心會唔會影響到其他人甚至觸犯法例。例如係室外公眾地方猥褻暴露其身體任何部分就有機會觸犯香港法例 第200章《刑事罪行條例》 第148條嘅 猥褻暴露身體 罪。

可以試下留意平日你屋企外嘅環境係點樣,例如燈光、聲音、佈景等等,睇下可唔可以係房間/屋內重現個種感覺(例如播放類似嘅背景音樂、擺放一啲植物、調教燈光、用電腦/投影機投射屋外嘅場景係牆上面等等),令自己即使係屋企內但都可以好似置身於公眾地方嘅感覺咁。一開始嘅時候可能好難一刻即刻去改變整個習慣,或者試下由只開少少門罅(都要確保外面無人!)去代替外出先,再慢慢令完全留係屋入面。強迫自己即時改變整個習慣好容易會令自己親身唔舒服嘅感覺,有時可能會有反效果嘅,所以係安全嘅情況下慢慢去改變會好啲。

1個讚

明白,多謝

我失敗了⋯⋯我發現我失敗的原因,是壓力太大,我嘗試控制自己別出去,但最終失敗⋯⋯

欣賞你有努力嘗試改變,同時仲留意到自己喺邊啲情況下比較容易鬆懈 :relaxed: :+1:t2: 的確人嘅意志力喺壓力大嘅情況下係會比較薄弱 :pleading_face: 都想了解多啲你壓力大嘅時候除左自慰之外有無一啲方法去抒發?

食嘢,打機

咁你用依啲方法減壓之後之後個人嘅感覺係點嘅 :blush:? 咁問係因為都想同你一齊發掘多啲對你有效嘅減壓方法/尋找樂趣嘅方法,希望可以嘗試從其他途徑讓你獲得放鬆、愉悅嘅感覺,從而幫助你慢慢改變到屋外自慰嘅習慣 :relaxed:

其實冇咩特別感覺,可能暫時忘記一吓煩惱,跟住訓覺,因為我發生以上事情,通常都係深夜。

明白,的確每個人生活上都有大大小小嘅壓力,而面對壓力嘅時候我地無可能亦都唔應該逃避佢,所以有適合自己嘅紓壓/調節心情嘅方法係好重要嘅,如果未搵到合適嘅方法的話有機會令我地過份壓抑 :pleading_face:

不過喺探討依個情況之前,想先了解返當你好想出屋外自慰嘅時候,有無嘗試過 @Kitty_StickyRiceLove 之前嘅建議?即係嘗試喺房間/屋內重現喺公眾地方自慰嘅個種感覺,或者嘗試只開少少門罅代替外出。因為見到你提到有嘗試控制自己唔好出去,所以想了解多啲你當時係點樣做去制止自己 :blush: