好驚有左..

我上次黎m係5月16號。我黎m一直都唔準時。而今個月12-16號都有同男友發生性行為,每次都有帶套。但17號開始到宜家都有流啡同埋有時會有血,好似黎m咁。差唔多流左兩星期。想問咁樣係唔係代表有左定係月經不調啊?

如果你同男朋友今個月12-16號期間發生嘅性行為,過程有依足正確方法戴安全套,事後安全套都無穿的話,相信懷孕嘅風險係好微 :blush: 所以陰道出血嘅情況都可以撇除左懷孕嘅原因先。

想了解一下你所指嘅「有血」,係似平日月經嘅血量,還是只係血絲?分泌物有無異味/質地大概係點樣(稀還是稠)?同埋你過往嘅月經週期一般係大概幾多日?多D嘅資訊有助我地去一齊睇睇流啡+陰道出血嘅原因啊 :relaxed:

我以前都試過,但今日一直都係流啡。有時仲有血,好似黎m咁,會有血塊。但都係去廁所抹既時候有,時不時先會有。宜家會腰痛,好似想黎m,但都係冇。

我大概40日就會黎m,一次6日到

都想了解下你今個月有無發生過D咩特別嘅事情?例如有無因為生病而食過藥(特別係抗生素)、情緒有起伏、壓力過大等嘅情況?同埋12-16號期間嘅性行為,有無特別疼痛/覺得陰道位置受傷嘅感覺?

因為留意到你流啡嘅情況係17號開始出現嘅,所以都有機會係有16號嘅性行為而引致。不過一般因為性行為期間力度過大,令陰道內受傷有傷口,都比較少會出現流啡或流血塊持續兩星期嘅情況。加上你過往經期都未試過好似今次咁持續流啡咁耐(兩星期),所以都建議儘快去睇醫生,睇睇身體點解會出現呢個情況先 :woman_health_worker:t2: :man_health_worker:t2: 即使最後無事都可以放心D:pleading_face:

如果依然都係好擔心懷孕的話,其實依家都已經可以進行驗孕(最後一次性行為11日後就可以驗孕) :blush: :relaxed: 不過上文所講,12-16號期間發生嘅性行為導致懷孕嘅機會係好微。而好似今次持續陰道出血嘅情況,亦唔屬於懷孕嘅徵兆 :blush: