性交障礙?

好困擾既問題 同女朋友拍拖已有一段時間 大家都A0冇性經驗 我地試過幾次想Sex 但係呢 就總係出問題

做緊前戲時 女朋友突然間乾曬 或者 試過入到啦 又突然乾曬 其實點解會突然乾曬

我自己都係有啲問題 有一次入到啦 但係唔知點解搞左好耐都仲未射 可能成個鐘都有 其實平日女朋友幫我 我都未試過射 但自己黎又冇問題 發生緊咩事。。。

好苦惱。。。

Hello @lolololol :relaxed: 其實陰道分泌物不足嘅原因都有好多,除左常見嘅壓力過大、身體疲倦、經期等原因外,都有機會係因為(1)服用過藥物;(2) 性行為時間過長,陰道未能持續排出分泌物,或;(3)性行為期間下體因為摩擦而感到痛楚/痕癢,令分泌物排得比較少 :pleading_face:

所以,建議可以嘗試再花多D時間去前戲度,女朋友覺得舒服/放鬆到心情之後,分泌物分泌得差不多,先再嘗試進行插入式嘅性行為,睇下情況會唔會好D :blush: 同埋都好建議性行為過程中使用潤滑劑啊~ 當分泌物不足嘅時候,潤滑劑能夠有效咁減低摩擦時帶黎嘅疼痛感。同時潤滑劑亦能夠增加性愛期間嘅舒適感,仲可以減低安全套破裂嘅機會~! :wink:

我地都寫過一片有關使用潤滑劑嘅文章,有需要都可以睇下~ :kissing_closed_eyes:
《點解要用潤滑劑?》

而射精方面,都想首先了解一下插入式性行為/女朋友平日幫你嘅過程中,你有無陰莖性興奮嘅感覺?例如:你會唔會覺得感覺唔夠強烈,好似無咩快感咁? 還是係有性興奮嘅感覺,但係到想射精嘅時候又射唔出?:blush: 你嘅回覆有助我地一齊去探討未能射精嘅可能原因啊~

唔該曬

好 等我睇下潤滑劑係點先

插入式呢就係想射但射唔出
女朋友幫我就真係冇乜興奮既感覺咁 :pensive::pensive::pensive:

如果只係試過一次插入式性行為,而果次都係有想射的感覺的話,都唔需要太擔心嘅 :relaxed: 始終可能過往嘅性需要都係靠自慰去解決,一時之間未必適應到喺女性嘅陰道內射精。可以繼續嘗試進行插入式性行為,令女朋友有高潮嘅感覺先,如果女朋友覺得滿意之後,自己都為未能射精的話,可以再以自慰嘅方式,將陰莖抽番出黎再解決(射精) :relaxed: 有時都要比D空間自己去慢慢適應兩個人嘅性體驗,經驗多D嘅時候,相信性行為嘅過程都會能夠更加放鬆,同埋慢慢掌握到射精嘅感覺同埋時間點~ :wink: :heartpulse:

而女朋友幫你嘅時候,你無咩興奮嘅原因,係咪因為覺得女朋友幫你嘅力度/速度/手捉住嘅位置未能令你覺得舒服/興奮?如果係呢個原因的話,都可以同女朋友反映你覺得點樣嘅方式會比較舒服,甚至可以嘗試捉住女朋友隻手,手把手咁話佢知隻手放陰莖嘅咩位置/咩力度/速度點樣慢慢加快,你先會比較舒服~ 有時加埋潤滑劑,都會令手交嘅時候比較順暢/舒服~ :relaxed: :heartpulse: 性行為都好講求兩個人之間嘅溝通,彼此願意分享感受同埋想法,先會有助下一次大家有更好嘅表現+令對方舒服滿意啊 :see_no_evil: :hear_no_evil: