遲左黎m 好驚

本身一向黎m都唔準時, 同埋今年年頭開始睇中醫話我有白色念珠菌 所以都少左有性行為。 今個月6.14有同男友進行性行為 有套外射 但事後無檢查到有無穿
平時就快黎m都會有腹脹同胸脹 但今次無呢啲症狀 所以係26號都有買驗孕棒 係一條線 但我都仲係好驚
不過係26號個日都腸胃炎 食左藥抗生素 唔知會唔會影響到經期

Hello~ 首先想你知道你講嗰次性行為因為有使用安全套所以嘅懷孕機會唔大阿,唔洗太擔心 :blush: 不過見你因為唔肯定個安全套有無破損而有啲擔心,建議你之後嘅性行為後可以嘗試用水灌注入安全套內,如果無水漏出黎就代表無破損,咁之後就唔洗心掛掛啦 :relaxed:

另外,見你提到26號買左驗孕棒驗孕,而驗出黎嘅結果係陰性,因為驗孕棒喺性行為嘅11日或以後驗出黎嘅結果係非常準確嘅,所以驗到陰性就應該係無懷孕啦 :relaxed:

至於月經遲黎其實係受好多唔同嘅因素影響嘅,其中服食過藥物,尤其係抗生素係有機會令經期唔穩定嘅重要因素之一,其他因素例如生活習慣改變、心理壓力大、長期處於擔心嘅狀態等等都有機會影響經期。因為驗孕嘅結果可以排除懷孕嘅可能性,所以你可以先嘗試放鬆心情 :relaxed: 見你提到本身經期都唔太穩定,建議你以最長嘅嗰一次經期作期限,即係例如最長試過比預期黎經嘅時間遲1個星期嘅話,今次都以預期黎經日子嘅一星期內作期限,如果過左依個期限月經仍然未黎嘅話,就建議去睇醫生了解返身體狀況 :man_health_worker:t2: :woman_health_worker:t2: