食左事前避孕藥(yaz）六個月，一切都正常（準時食無食漏），適應期過左，月經週期都越黎越規律
上個月6月10號黎m嘅，但係今個月嘅m就提早黎左，吃到第18日嘅藥（6月29號），就黎左m，血量不算太多雪崩個種，但係黎左第五日（7月3號）都仲有，而且係鮮紅色嘅血，唔似平常月經尾段啡色嘅血，仲有m痛的感覺。 （呢幾日都有繼續食避孕藥）
原本未吃完嘅避孕藥仲應唔應該繼續食? 還是要直接停藥等m完先繼續開新嘅吃？同埋都唔知幾時先會停？究竟發生咩事呢
ps.最近做左抹片同超聲波檢查，一切結果正常無事
你好呀， @kngaliu 
一般嚟講，你食咗半年，呢半年情況都穩定嘅話，原則上都唔會話突然間出血量增加嘅狀況嘅。不過如果你身體突然出現咗啲變化，例如生病、食過其他藥物、生活習慣突然改變、會唔會好大壓力等等，都有可能出現咁樣嘅情況嘅，可以觀察多幾日先，睇下會唔會持續。如果情況持續，又或者身體無任何改變都有出血量增加嘅話，建議你都係拎曬你做過嘅抹片同超聲波檢查結果，仲有你食緊嘅事前避孕藥，搵返開避孕藥俾你個醫生或者其他醫生檢查呀。 