如果患上念珠菌感染，是處女的話，醫生可以開陰道塞藥嗎？聽人說是處女的話是不能塞藥 
Hello~ 首先想你知道陰道前膜/陰道冠，即係坊間所講嘅處女膜並唔係一塊一觸即破嘅薄膜，而係一個有窿而且有彈性嘅結締組織，之所以有窿係因為可以俾女性嘅分6物同經血排出體外，依啲窿嘅大小同形狀係因人而異嘅，亦都有人天生係無陰道前膜嘅，所以性行為未必會令陰道前膜破裂，亦都係因為咁所以有無陰道前膜並唔能夠判斷女性嘅性經驗。
一般陰道塞藥嘅大小係可以通過陰道前膜上嘅窿嘅，但係塞藥嘅過程可能會令部分陰道前膜破裂，亦都唔係每個人嘅情況都需要使用陰道塞藥，所以醫生通常會先處方口服藥物俾患者，如果未見成效先會考慮處方陰道塞藥。如果因為個人concern而想試左口服藥物先嘅話，可以喺見醫生嘅時候同佢講返
咁塞完藥之後留出黎嘅液體係咩色架？
一般嚟講，感染念珠菌嘅分泌物會係白色、豆腐渣嘅狀態，通常頭幾日都係會有呢種狀態嘅分泌物。因為陰道塞藥本身都係白色嘅，有機會係塞得唔夠入或者唔係塞得咁好嘅時候，喺溶解嘅過程中會有少少白色粒粒流出陰道，所以基本上都唔需要太擔心嘅。當你完成咗療程之後，正常嚟講分泌會應該會變返做偏透明或者奶白色嘅。 
不過陰道嘅分泌物都係要睇返你係咪排緊卵、係咪就嚟月經、係咪病緊等等，分泌物嘅顏色都有機會改變嘅，都好想知道你係咪塞藥之後分泌物嘅狀態有轉變令你好擔心，你介唔介意係呢度講多啲俾我地聽，等我地可以了解多啲你嘅狀況？或者睇下需唔需要再去睇多次醫生。 