避孕藥漏服功效

開左一排marvelon準時食左十日,然後第十一日唔記得左食,第十二日早上冇戴套有性行為,下午先記得補食漏食果粒同食當日果粒。

想問避孕效果有冇影響?會懷孕機會嗎?唔該你

Hello @hehhejej,首先想了解番你平日係大概幾多點服藥? :relaxed: 而你又有無遲過12小時先補食番避孕藥?同埋今次係咪第一次服用呢款避孕藥? :blush:

因為睇番Marvelon呢款避孕藥嘅說明書,佢嘅補食時間係12小時內,即係呢段時間內補食的話,避孕效果係唔會受到影響。如果漏服嘅時間延遲左超過12小時,避孕效果就有機會降低

不過暫時睇你嘅情況都無需太擔心,因為避孕藥嘅藥效並唔會一下子就即刻消失,而且你漏食1粒之後有馬上於第二日服用番2粒,懷孕風險依然係低嘅 :blush: 加上根據官方嘅資料,因為你漏食之前亦都已經有持續準時服藥多過7日(情況係屬於服用第二週),只要之後有持續準時服用番避孕藥,都唔需要使用額外嘅避孕措施。

但係安全起見,如果依家距離你上一次無套性行為係未夠120時內,建議可以去搵番攞呢款避孕藥之前諮詢過醫生(家計會醫生/一般私家診所醫生),諮詢佢嘅意見,等醫生判斷一下你嘅情況有無需要服用事後丸(最長服用時限為120小時)去作緊急避孕。因為如果過往經期較唔穩定,都有機會令懷孕機會提高。

加上,如果今個月係第一次服用呢款避孕藥的話,懷孕嘅風險亦都會較高,因為身體可能未完全適應到個藥效。所以最理想都係先諮詢醫生意見,睇下有無需要作緊急避孕會比較好 :pleading_face: :pleading_face:

同埋如果服用呢款避孕藥之前係無諮詢過醫生意見,都建議考慮去家計會諮詢醫生嘅意見先。正如我地之前回覆過你嘅另一個post所講,

最後都建議可以下載番一D提醒服用避孕藥嘅apps,咁就可以提醒自己每日準時服藥啦 :relaxed: :iphone: